आईसीटी समाचार
अनलाइनमा क्रेडिट वा डेबिट कार्डको विवरण हाल्दा धेरैजसो जहिले पनि मन शशङ्कित हुने गर्दछ । यसको लागी व्यवसायीले हाम्रो जानकारी सुरक्षित राखिदिन्छ भनेर हामी आशा गर्ने गर्दछौँ । तर अब वान पासवर्डले कसैको माथि पनि भरोसा नगर्नुपर्ने बनाइदिएको छ ।
अब वान पासवर्डले भर्चुअल कार्ड बनाइदिने भएको छ । प्राइभेसी डटकम सँगको सहकार्यमा वान पासवर्ड प्रयोगकर्ताहरुले अब आफ्नो वास्तविक कार्डको जानकारी लुकाएर भर्चुअल कार्डबाट पेमेन्ट गर्न सक्ने छन् ।
हरेक सर्भिसका लागी छुट्टा छुटटै भर्चुअल कार्ड बनाउन पनि सम्भव रहेको छ । यस्तो गर्दा डेटा चोरिएमा पनि आत्तिनु पर्ने भने हुदैन् । प्राइभेसी डटकमले पनि आफ्नै प्राइभेसी कार्ड निकालेको छ तर वान पासवर्डसँगको कार्डले अझै बढि सुरक्षा फिचर प्रदान गर्ने गर्दछ ।
अहिले सम्म भर्चुअल कार्डको फिचर भने अमेरिकामा मात्रै उपलब्ध गराइएको छ तर बिस्तारै अरु देशहरुमा पनि यो सेवा उपलब्ध गराइने बताइएको छ । वान पासवर्डले अहिले नयाँ ग्राहकको लागि २५ प्रतिशत सम्मको छुट दिइरहेको छ ।
यसको अर्थ हरेक महिना एउटा अकाउन्टको २.९९ अमेरिकी डलर पर्ने ठाउँमा अहिले भने २.२४ अमेरिकी डलर पर्ने छ । वान पासवर्ड फेमिली अकाउन्ट ५ जना सम्मले प्रयोग गर्न सक्दछन् ।
एजेन्सीको सहयोगमा
