आईसीटी समाचार
अब सानिमा बैंकले ग्राहकहरुले अनलाइन मार्फत क्रेडिट कार्डको लागि आवेदन दिन सक्ने भएका छन् । बैंकले ग्राहकहरुको सुविधा र सुरक्षालाई ध्यानमा राखी अनलाइनमार्फत् क्रेडिट कार्ड आवेदन दिन सक्ने व्यवस्था गरेको हो ।
ग्राहकहरुले क्रेडिट कार्ड आवेदन दिनका लागि बैंकको वेवसाइटमा गई क्रेडिट कार्ड आवेदनमा क्लिक गरी फारममा उल्लेखित आवश्यक विवरण भरी सरल रुपमा आवेदन दिन सक्ने छन् ।
फारम भरेपछि क्रेडिट कार्ड स्वीकृत भएको र कार्ड उपलब्ध गराइने समय सम्बन्धी जानकारी इमेल तथा फोन मार्फत् प्राप्त हुनेछ ।
यो सुविधा यही असोज ६ गतेदेखि संचालनमा ल्याएको बैंकले जनाएको छ । सानिमा बैंकको क्रेडिट कार्ड प्रयोग गरी अनलाइन सपिङ्ग गर्दा छुट प्राप्त गर्नुका साथै मासिक किस्तामा पनि सामान खरिद गर्न सकिन्छ ।
