आईसीटी समाचार
इन्टरनेट सेवा प्रदायक कम्पनी भायानेटले दशैं तिहारको अवसरमा ‘भायानेट वडा दशैंमा बडा टिभी’ अफर सार्वजनिक गरेको छ ।
विगत २० वर्षदेखि व्यावसायिक तथा व्यक्तिगत प्रयोजनका लागि इन्टरनेट प्रदान गर्दै आइरहेको भायानेटले यस वर्षको चाडपर्वको अवसरमा ‘भायानेट वडा दशैंमा बडा टिभी’ अफर आफ्ना ग्राहकहरुका लागि ल्याएको हो ।
कम्पनीका अनुसार नेपालीहरुको महान चाड दशैं र तिहारको उपलक्ष्यमा ‘भायानेट वडा दशैंमा वडा टिभी’ नामक योजनामा ग्राहकहरुलाई टेलिभिजन सेट र क्यास भौचर प्रदान गरिनेछ ।
यस योजना अन्तर्गत, भायानेटका ग्राहकहरुले ४३ इन्चको स्काईवर्थ एलइडी टिभीको साथ ३० एमबीपीएस इन्टरनेटको वार्षिक प्लान र भायाटिभी सेवा मात्र ४१ हजार ९९० रुपैयाँमा प्राप्त गर्नेछन् ।
त्यस्तै ३२ इन्चको स्काईवर्थ एलइडी टिभीको साथ ३० एमबीपीएस इन्टरनेटको वार्षिक प्लान र भायाटिभी सेवा मात्र २८ हजार ९९० रुपैयाँ प्राप्त गर्नेछन् ।
यति मात्र होइन, यो चाडपर्वलाई अझै रमाइलो बनाउन भायानेटले ईसेवाको ६५० रुपैयाँ सम्मको क्यास भौचर प्रदान गर्दैछ भने पुराना ग्राहकहरुले थप ६०० रुपैयाँ सम्मको छुट पनि प्राप्त गर्नेछन् ।
ग्राहकहरुले यस अफरबाट टेलिभिजन सेटमा मार्केट रेटको दाँजोमा ३५ प्रतिशत भन्दा बढीको छुट पाउने भायानेटको दाबी छ ।
त्यसैगरी भायाटिभी सेवाको साथमा युट्युब उपलब्ध हुने भएकोले अफरमा प्रदान गर्ने एलइडी टिभीमा स्मार्ट टिभीको फिचरको पनि मजा लिन सकिने कम्पनीले बताएको छ ।
