आईसीटी समाचार
डिजिटल संवादको १९ औं श्रृंखलामा आईटी तथा टेक रोजगारीमा डिजिटल संवाद हुने भएको छ । शनिबार ‘कोभिड १९ को समयमा र कोभिड पछि आईटी तथा टेक रोजगारी’ विषयमा अनलाइन छलफल हुने भएको हो ।
शनिबार दिउँसो १ बजेदेखि जुममार्फत सञ्चालन हुने कार्यक्रम डिजिटल संवाद, लिभिङ विथ आइसिटी लगायतका फेसबुक पेजबाट समेत प्रत्यक्ष प्रशारण हुनेछ ।
यस कार्यक्रममा नेपाल सरकारका विभिन्न निकायका प्रतिनिधि तथा सरोकारवालाहरु स्रोत व्यक्तिको रुपमा रहेका छन ।
कार्यक्रममा मेरो जब डटकमका प्रबन्ध निर्देशक शैलेस राज गिरी, श्रम तथा व्यवसायजन्य सुरक्षा विभागका प्रवक्ता मनिनाथ गोप, कोटिभिटी नेपालका प्रोजेक्ट म्यानेजमेन्ट निर्देशक प्रकाश अर्याल र जेनश सोलुसनका ग्लोबल सिटिओ अञ्जनी फुयालको सहभागीता रहने छ ।
त्यस्तै कार्यक्रममा सफ्टेवरिका कलेज अफ आइटी एण्ड ईकमर्सका क्याम्पस प्रमुख प्रमोद पौडेल, सारथीका सह संस्थापक प्रकाश न्यौपाने तथा क्लाउड फ्याक्ट्रीकी वरिष्ठ सफ्टवेयर इन्जिनियर माधुरी श्रेष्ठ समेत सहभागीता रहने छ ।
कार्यक्रमको सेसन चेयर पूर्व वातावरण, विज्ञान तथा प्रविधि मन्त्री गणेश शाहले गर्नेछन । डिजिटल संवाद नेपालमा कोरोनाले निम्त्याएको संकटसँगै भएको लकडाउनदेखिनै सुरु भएको वृहत अनलाइन छलफल कार्यक्रम हो ।
यसमा प्रविधिका विभिन्न पक्षलाई सरकार, सरोकारवाला र डोमेन च्याम्पियनहरुलाई समावेश गर्दै खुल्ला राउण्ड टेवल डिस्कसनको फम्र्याटमा कार्यक्रम सञ्चालन भइरहेको आयोजकले जानकारी दिएको छ ।
कार्यक्रममा इच्छुक जोकोहिले सहभागिता जनाउन सक्नेछन । कार्यक्रममा
यहाँ क्लिक
गरी सहभागी हुन् सकिनेछ । कार्यक्रम लाइभ हेर्नको लागि शनिबार ठिक १ बजे
यो पेज
मा जोडिन सकिनेछ । कार्यक्रम महिनाको पहिलो र अन्तिम शनिवार पाक्षिक रुपमा सञ्चालन हुदै आइरहेको छ ।
