आईसीटी समाचार
इन्स्टाग्राम स्थापना भएको दश वर्ष पुरा भएको भएको छ। यही एक दशक पुरा हुनु लगत्तै इन्स्टाग्रामले केही फिचरहरु ल्याएको छ ।
यसमा साइबरको प्रयोगले गर्ने बदमाशी रोक्ने, आइजीटीभी सपिङ्, प्राइभेट स्टोरी म्याप जस्ता फिचरहरु रहेका छन् । आगामी केही महिनामा इन्स्टाग्रामले धेरै किसिमको परिवर्तनहरु ल्याउने बताइएको छ ।
एन्टी बुलिङ् फिचर अन्तरगत इन्स्टाग्राममा कसैले कुनै कमेन्ट रिपोर्ट गरेको खण्डमा त्यस्तो कमेन्ट फेरि आयो भने इन्स्टाग्रामले ती कमेन्टहरुलाई हाइड गरिदिन्छ ।
यसले कमेन्ट ट्रयाकर पनि ल्याउने भएको छ जसले गर्दा पटकपटक आपत्तिजनक कमेन्ट गरिरहनेलाई इन्स्टाग्रामले भेटयाउन सक्दछ ।
आइजीटीभी सपिङमा अब प्रयोगकर्ताहरुले आइजीटीभीको भिडियो हेरेर सामान किन्न र बेच्न पाउँनेछन् । स्टोरिज म्याप फिचरमा भने तीन वर्षमा हालेको स्टोरीहरु हेर्न मिल्छ । यो आफूले नीजि रुपमा हेर्न सकिन्छ ।
