आईसीटी समाचार
नेपाल राष्ट्र बैंकले डिजिटल वालेटबाट सरकारी राजस्व भुक्तानी गर्दा ग्राहकहरुलाई लाग्ने शूल्क निर्धारण गरेको छ ।
राष्ट्र बैंकले शुक्रबार एक निर्देशिका जारी गर्दै वालेट मार्फत गरिने राजस्व भुक्तानी गर्दा लाग्ने शूल्क निर्धारण गरेको हो ।
अबदेखि राजस्व भुक्तानी गर्दा सेवा प्रदायकले ५ रुपैयाँदेखि ३० रुपैयाँसम्म शूल्क लिन पाउने छन् । सो निर्देशिका अनुसार १ हजार रुपैयाँसम्मको कारोबार गर्दा शूल्क लाग्ने छैन् । भने १ हजार १ देखि ३ हजार सम्मको कारोबार गर्दा प्रति कारोबार ५ रुपैयाँसम्म शूल्क लाग्ने छ ।
त्यस्तै ३ हजार १ देखि १० हजारसम्मको राजस्व भुक्तानी गर्दा प्रति कारोबार १० रुपैयाँसम्म शूल्क लाग्ने छ । त्यसैगरी १० हजार १ देखि माथिको राजस्व भुक्तानी गर्दा ३० रुपैयाँसम्म शूल्क लाग्ने छ । साथै वालेटबाट राजस्व भुक्तानी गर्दा आगामी पुस मसान्तसम्म शूल्क लिन पाइने छैन् ।
