आईसीटी समाचार
शनिबार बिहान १० बजेदेखि आइसिटी अवार्ड २०२० को प्रिजेन्टेसन तथा स्पीड डेटिङ सेसन सुरु हुने भएको छ ।
१४ जनाको जुरी समितले चार विधामा उत्कृष्ट १२ छनौट गरेपछि शनिबारदेखि प्रिजेन्टेसन तथा स्पीड डेटिङ सेसन सुरु हुने भएको हो ।
आइसिटी स्टार्टअप अवार्ड २०२० का उत्कृष्ट १२, प्रोडक्ट आइसिटी अवार्ड २०२० का उत्कष्ट १३, राइजिङ स्टुडेन्ट आइसिटी अवार्ड २०२० का उत्कृष्ट १२ र इन्नोभेसन ड्रिभन क्राइसिस रेस्पोन्स अवार्ड २०२० का उत्कृष्ट १४ ले प्रिजेन्टेसन तथा स्पीड डेटिङ सेसनमा सहभागी जनाउने आयोजक समितिका संयोजक राजन लम्सालले बताए ।
सूचना प्रविधि क्षेत्रको एक प्रतिष्ठित अवार्डको रूपमा परिचित पाँचौं संस्करणको आइसिटी अवार्ड २०२० मा ११ विधाको लागि अनलाइन आवेदन खुला गरिएको थियो ।
विभिन्न ११ विधामा ३५० बढीको अनलाइन आवेदन प्राप्त भएको थियो । भदौ अन्तिम सातादेखि शुरू भएको छनौट प्रक्रिया जारी रहेको छ ।
यो पनि पढनुहोस्ः को को छानिए उत्कृष्ट १२ मा ?
