अमेरिकी चुनावमा समयपुर्व विजेताको घोषणा गरेमा त्यस्तो ट्विटलाई ट्विटरले लेबल गर्ने  

अमेरिकी चुनावको एक महिना जति मात्रै बाँकी हुदा ट्वीटरले केही अस्थायी परिवर्तनहरु ल्याएको छ । अमेरिकामा नोभेम्बर ३ मा चुनाव हुँदैछ ।

औपचारिकरुपमा अमेरिकी चुनाव जितेको जानकारी नभएसम्म कसैले जितेको ट्वीट गरेमा ती ट्वीटहरुलाई लेबल गर्ने बताएको छ ।

कुनै ट्वीटलाई गलत सूचना फैलाएको भनेर लेबल गरिएपछि पनि कसैले रीट्वीट गर्न चाहेमा ट्वीटरले माथि फोटो राखिदिएर सही जानकारीलाई पछयाउन पनि सुझाव दिनेछ ।

राजनीतिज्ञहरुले गलत जानकारी दिन खोजेमा अझै बढि प्रतिबन्ध लगाइएको छ । यस्तो भएमा अरु फलोअरहरुले ती ट्वीटमा हेर्न मात्रै पाउने छन् भने रिप्लाई गर्न पाउँदैनन ।

यस्ता ट्वीटहरुलाई ट्वीटरले प्रयोगकर्ताको टाइमलाइनमा पनि देखाउदैन् । अब केही रिट्वीट गर्नु पर्दा पनि केही आफ्नो विचार राखेर मात्रै गर्न पाइन्छ । यसको लागी कोट भन्ने अप्सन हुन्छ । भरसक गलत जानकारी नफैलिन दिने ट्वीटरको मनसाय रहेको छ ।