एन्ड्रोइड फोन प्रयोगकर्ताहरुलाई माइक्रोसफ्टको चेतावनी, कुनै पनि एप डाउनलोड गर्दा ध्यान दिनुहोस् 

एन्ड्रोइड फोन प्रयोगकर्ताहरुको लागि माइक्रोसफ्टले चेतावनी जारी गरेको छ । माइक्रोसफ्टले नयाँ र्यानसमवेयर पत्ता लगाएको छ, जसले एन्ड्रोइड फोनहरुलाई टार्गेट गरिरहेको छ ।

यो र्यानसमवेयरको नाम माललकर डट बी रहेको छ । यो र्यानसमवेयर अनलाइन फोरम र वेबसाइटबाट फैलिरहेको छ । यो र्यानसमवेयर मालिसियस एप भित्र लुकेको छ ।

त्यसैले कुनैपनि वेबसाइटबाट एप डाउनलोड गर्दा ध्यान दिनुहोस् । यसले फोन स्क्रीन पहुँच गर्नबाट प्रयोगकर्तालाई रोक्दछ । अरु र्यानसमवेयर विपरित यसले डिभाइसलाई इन्क्रिप्ट गर्दैन् ।

यसले एक मेसेजको साथमा स्क्रीनलाई फ्रिज गरिदिन्छ । यसले ल इन्फोर्समेन्ट एजेन्सीबाट आएको दाबी गर्छ र अनलक गर्न जरिवानाको लागि सोध्छ ।

यो र्यानसमवेयरले कल नोटिफिकेसनको फाइदा लिन्छ र कुनै पनि इनकमिङ कल आउँदा र्यानसमवेयर सक्रिय हुन्छ । जुन समयमा प्रयोगकर्ताले होम बटन वा रिसेन्ट एप बटन थिच्छन् र त्यसपछि मेसेजको साथ स्क्रीन लक हुन्छ ।

‘यो नयाँ थ्रेटले इन्क्रिप्ट गरेर फाईलहरूमा पहुँच रोक्दैन। यसको सट्टामा यसले मेसेजसहित स्क्रीनमा डिभाइसको पहुँच नै रोकिदिन्छ । यो स्क्रीन प्रत्येक विन्डोमा देखिन्छ, र जसले गर्दा प्रयोगकर्ताले फोनमा अन्य केहि कार्य गर्न सक्दैन । स्क्रीनमा र्यानसम मेसेज देखा पर्दछ र त्यहाँ रकम भुक्तान गर्न निर्देशनहरू हुन्छन्’ माइक्रोसफ्टले भन्यो ।

रिपोर्टका अनुसार मालवेयरको कोड सिम्पल छ । यो सजिलै अरु फोनहरुमा फैलिन सक्छ । प्रयोगकर्तालाई अज्ञात श्रोतबाट एप डाउनलोड नगर्न सिफारिस समेत गरेको छ ।

त्यो र्यानसमवेयरले व्यक्तिगत जानकारी चोर्छ कि चोर्दैन् यसको भने कुनै प्रमाण छैन् । यो चाही निश्चित भयो की तपाईको फोन भर्चुअल्ली बेकार हुन सक्छ ।

एजेन्सीको सहयोगमा