आईसीटी समाचार
मोबाइल सेवा प्रदायक कम्पनी एनसेलले उपलब्ध गराएको स्टुडेन्ट प्लान अन्तरगतको जुम, माइक्रोसफ्ट टिम्स, गूगल मिट चलाउन सकिने डेटाबाट अब डायनामिक एकेडेमी ईआरपी एप पनि चलाउन सकिने भएको छ ।
एनसेलले लकडाउनको समयमा अनलाइन कक्षा तथा सिकाइका लागि विद्यार्थी, शिक्षक/ शिक्षिका र विद्यालयहरूलाई सुलभ दरमा मोबाइल सेवाको पहुँच सुनिश्चित गर्ने उदेश्यले उपलब्ध गराएको विशेष मासिक प्याकबाट डायनामिक एकेडेमी ईआरपी एप चलाउन सकिने भएको हो ।
यस विषेश योजना अन्तर्गत विद्यार्थीले मासिक २५० (करबाहेक) रुपैयाँमा अनलाइन कक्षाका लागि आवश्यक पर्ने जुम, गूगल मिट र माइक्रोसफ्ट टिम्स र डायनामिक ईआरपी एप प्रयोगका लागि २० जिबी डेटा, १ जिबी थ्रिजी/फोरजी डेटा, २ जिबी फोरजी डेटा, सीयूजी नम्बरमा कल गर्न हरेक दिन १२० मिनेट टकटाइम, ५० मिनेट अन नेट टकटाइम र ५० अन नेट एसएमएस सेवा पाउँछन् । यसैगरी मासिक रु ३५० (करबाहेक) को योजना पनि उपलब्ध छ ।
एनसेलसँगको सहकार्यमा स्टुडेन्ट प्लान अन्तरगत जुम, मिट र टिम्म प्रयोगको लागि पाइने डेटा प्याक मार्फत सस्तोदरमा डायनामिक ईआरपी एप पनि चलाउन सकिने डायनामिक टेक्नोसफ्टका प्रमुख कार्यकारी अधिकृत दिपक शाहले बताए ।
डायनामिक एकाडेमिक ईआरपीमा अनलाईन एडमिसन तथा ईन्ट्रान्स्, होमवर्क व्यवस्थापन, रियलटाईम ईभेन्ट तथा नोटिफिकेशन, अनलाईन रिजल्ट तथा हाजिरी लगायतका विभिन्न १५ उपयोगी विशेषताहरु समावेश गरिएको छ ।
डायनामिक ईआरपी मोबाइल एप प्ले स्टोर तथा एप स्टोरबाट डाउनलोड गर्न सकिने छ । एपबाट शिक्षक तथा अभिभावकले विद्यार्थिको प्रगतिको बारेमा निगरानी गर्न सक्ने छन् ।
यसमा शूल्क, एचआर, पेरोल, बजेट व्यवस्थापन, जिपिएस सुविधा, फाइनान्सियल तथा ट्रान्सपोर्ट व्यवस्थापन लगायतका विविध सुविधा रहेका छन् । एनसेलले प्रदान गर्ने स्टुडेन्ट प्लानको बारेमा थप जानकारी लिन
यहाँ क्लिक
गर्नुहोस् ।
