आईसीटी समाचार
नेपाल दूरसञ्चार प्राधिकरणले मोबाइल सेवा प्रदायक नेटवर्क प्रयोग गरेर गलत तथा भ्रामक सन्देशहरु मोबाइल सेवाका ग्राहकहरुलाई सम्प्रेषण तथा प्रवाह भएको विषयमा ध्यानाकर्षण भएको जनाएको छ ।
नियामक निकाय प्राधिकरणले एक सूचना जारी गर्दैं मोबाइल सेवाको नेटवर्क प्रयोग गरी गलत तथा भ्रामक एसएमएस मोबाइल सेवाका ग्राहकहरुलाई सम्प्रेषण भएको विषयमा ध्यानाकर्षण भएको जनाएको हो ।
प्राधिकरणले मोबाइल सेवाको नेटवर्क प्रयोग गरी गलत तथा भ्रामक सन्देशहरु (एसएमएस) मोबाइल सेवाका ग्राहकहरुलाई सम्प्रेषण तथा प्रवाह नगर्न नगराउन सबै मोबाइल सेवा प्रदायकहरुलाई निर्देशन दिएको छ ।
प्राधिकरणले दूरसञ्चार ऐन २०५३ को दफा ३ मा रहेको प्रावधान स्मरण गराउँदै कुनै व्यक्तिले दूरसञ्चार सेवाको दूरुपयोग गरेमा, अनाधिकार प्रयोग गरेमा वा हानी नोक्सानी गरेमा बिगो असूल गरी बिगो बमोजिम जरिवाना समेत हुन सक्ने चेतावनी समेत दिएको छ ।
यसअघि नेपालमा कर्फ्यु घोषणा गरिएको भन्दै गलत सूचना प्रवाह भएको थियो । यस विषयमा गृह मन्त्रालयले अनुसन्धान अगाडी बढाइसकेको छ ।
