आईसीटी समाचार
स्न्यापच्याटले अब आइओएस प्रयोगकर्ताहरुलाई आफ्नो स्न्यापमा गीत हाल्न मिल्ने फिचर दिने भएको छ । यो फिचरसँगै स्न्यापच्याटले आफुलाई टिकटक र इन्स्टाग्रामको प्रतिस्पर्धी बनाइरहेको छ ।
यो फिचरसँगै आइओएस प्रयोगकर्ताहरुले आफ्नो स्न्यापमा चर्चित गीतहरु हाल्न सक्छन् । स्नापच्याटले एन्ड्रोइडमा कहिले यो अपडेट आउँछ भनेर कुनै जानकारी छैन् । अहिलेभने यो फिचर परिक्षणकै क्रममा रहेको छ ।
कम्पनीले आफ्नै आवाजहरु बनाएर हाल्न मिल्ने पनि फिचर ल्याउने भएको छ । केही दिनपछि यो फिचर विश्वव्यापी रुपमा आउनेछ । स्न्यापच्याटको टिकटकको जस्तो फिड भने हुदैन् ।
त्यसैले भाइरल भएको भिडियो हेर्ने खालको सुविधा भने यसमा छैन् । गीत भएको स्न्याप प्राप्त भएमा माथि स्वाइप गरेर गीतको टाइटल, एल्बम आर्ट र आर्टिस्टको नाम हेर्न सकिन्छ ।
त्यहाँ भएका लिङ्कमा थिचेर प्रयोगकर्ताहरुले पुरै गीत सुन्न पनि सक्छन् । स्नापच्याटले ठुला म्युजिक कम्पनीहरु सँग सहकार्य गरेको बताएको छ ।
