राष्ट्रपति कार्यालयको भेरिफाइड ट्विटर अकाउन्ट बन्द

राष्ट्रपति कार्यालयको भेरिफाइड ट्विटर अकाउन्ट बन्द भएको छ । राष्ट्रपति विद्यादेवी भन्डारीको सचिवालयले प्रयोग गरिरहेको ट्विटर अकाउन्ट बन्द भएको हो ।

राष्ट्रपतिका सूचना तथा सञ्चार विज्ञ टिका प्रसाद ढकालले प्राविधिक समस्याका देखिएकाले उक्त अकाउन्ट बन्द गरिएको बताएका छन् ।

‘कार्यालयको सूचना र सञ्चारका लागि तत्कालै नयाँ खाता तयार गरी प्रस्तुत गर्नेछौं । यसबाट पर्न गएको असुविधाप्रति क्षमाप्रार्थी छु,’ ढकालले ट्विटमा भनेका छन् ।

राष्ट्रपति कार्यालयका सूचना र जानकारी साझा गर्ने उद्देश्यले चलाइएको @ShitalNiwas ह्यान्डलमा प्राविधिक समस्या देखिएकाले उक्त खाता बन्द गरिएको छ । कार्यालयको सूचना र सञ्चारका लागि तत्कालै नयाँ खाता तयार गरी प्रस्तुत गर्नेछौं । यसबाट पर्न गएको असुविधाप्रति क्षमाप्रार्थी छु ।

— Tika P. Dhakal (@TikaDhakaal) October 28, 2020