आईसीटी समाचार
जूमले सबै प्रयोगकर्तालाई निःशूल्क इन्ड टु इन्ड इन्क्रिप्सन फिचर उपलब्ध गराउन थालेको छ । निःशुल्क र सःशुल्क प्रयोगकर्ताहरुलाई इण्ड टू इण्ड इन्क्रिप्सन फिचर उपलब्ध गराउन थालेको हो ।
यस फिचरले गर्दा भिडियो च्याट र बैठकहरु अझै सुरक्षित हुन्छन् । इन्ड टु इन्ट इन्क्रिप्सन फिचरलाई जूमको डेक्स्टप क्लायन्ट, एन्ड्रोइड एप र जूम रुमहरुमा अब एक्टीभेट गर्न सकिने छ ।
यो आईओएसमा पनि चाँडै उपलब्ध हुनेछ । हरेक प्रयोगकर्ताहरुले म्यानुअल्लीनै यो फिचर सेटिङ्गमा गएर स्वीच अन गर्नुपर्ने हुन्छ । कलको माथिल्लो बाँया भागमा हरियो आइकन देखाएमा यो फिचर सुरु भएको जानकारी लिन सकिन्छ ।
जूमले ३० दिन भरिमा प्रयोगकर्ताहरुले यो फिचरको बारेमा प्रतिक्रिया दिने छन् भन्ने आशा गरेको छ । यो महामारीको समयमा जूमको प्रयोग एकदमै बढदै गएको छ ।
