आईसीटी समाचार
सोनीले आफ्नो प्लेस्टेसन एपलाई फेरी नयाँ डिजाइनमा ल्याएको छ । नयाँ डिजानइ सहित एप आईओएस र एनड्रोइडमा उपलब्ध भइसकेको छ ।
यसलाई नयाँ लञ्च गरिने कनसोलसँग खेल्न अझै रमाइलो हुनेछ । कन्सोल प्रयोगकर्ताहरुले जहाँबाट पनि गेम लञ्च गर्न सक्छन् । त्यस्तै एपको माध्यमबाट नै सिधै पीएस पाईभमा साइन इन पनि गर्न सकिन्छ ।
एपले कन्सोलमा स्टोरेजलाई व्यवस्थापन पनि गर्न दिन्छ । सोनीको ब्लग पोस्टका अनुसार प्रयोगकर्ताहरुले कन्सोलसँग सिधै अन्तरक्रिया नगरिकनै एपद्वारा कन्सोललाई व्यवस्थित ढङ्गले चलाउन सक्दछन् ।
यसले डिजिटल माध्यमहरुबाट गेम किन्ने पनि मौका दिन्छ । यसले एपबाटै मेसेज गर्न, भ्वाइस च्याट गर्न, ग्रुप बनाउन दिने जस्तो फिचरहरु प्रदान गर्ने गर्दछ । यो एपको नयाँ यूआईले गर्दा सबै कुरा व्यवस्थित जस्तो देखिने गर्दछ । यो अपडेट चाँडैनै सबैले पाउनेछन् ।
