आईसीटी समाचार
सामसङले दुई वर्ष पछि भारतीय स्मार्टफोन बजारमा साओमीलाई उछिन्न सफल भएको छ । भारतिय स्मार्टफोन बजारमा दुई वर्ष देखि लगातार साओमीले पहिलो स्थान ओगट्दै आइरहेको थियो ।
काउन्टर पोइन्टको रिपोर्ट अनुसार सन् २०२० को तेस्रो त्रैमासमा सामसङले बजारमा २४ प्रतिशत शेयर प्राप्त गर्न सफल भएको छ । त्यस्तै दोस्रो स्थानमा भने साओमी रहेको छ । साओमी बजारमा २३ प्रतिशत शेयर रहेको छ ।
त्यसपछिको सूचीमा भिभो र रियलमी रहेका छन् । सामसङले अप्रिल देखि सेप्टेम्बर सम्ममा १८ ओटा फोनको मोडेलहरु निकालेको थियो र त्यँही ठाँउमा साओमीले भने २२ ओटा निकालेको थियो ।
बोर्डरमा भएको आर्मी बिचको लडाइले पनि भारतीय जनताहरुलाई चीनीयाँ सामान लिनबाट मन हटाइदिएको छ । माइक्रोम्याक्सले यही अवस्थाको फाइदा लिएर अर्को महिना भने इन सिरिज निकाल्ने भएको छ । यस्तो अवस्थामा पनि फेरि साओमीले नै उच्च स्थान लिन सक्ने विज्ञहरुको भनाई रहेको छ ।
