आईसीटी समाचार
भारतीय स्मार्टफोन निर्माता कम्पनी माइक्रोम्याक्सले इन इन सिरिज अन्तरगत दुई नयाँ फोन सार्वजनिक गरेको छ ।
कम्पनीले इन सिरिजमा माइक्रोम्याक्स इन नोट १ र माइक्रोम्याक्स इन १ बी नामक दुईवटा स्मार्टफोनहरू सार्वजनिक गरेको हो ।
कम्पनीले पछिल्लो दिनमा भारतमा देखिएको राष्ट्रियतालाई बजारमा ‘क्यास’ गर्ने उदेश्यले नयाँ फोनहरु ल्याएको हो ।
माइक्रोम्याक्स इन नोट १
माइक्रोम्याक्स इन नोट १ मा ६.६७ इन्चको आईपीडी एलसीडी डिस्प्ले रहेको छ । यसमा मिडियाटेक हेलियो जी ८५ प्रोसेसर प्रयोग गरिएको छ । भने एन्ड्रोइड १० अपरेटिंग सिस्टममा आधारित रहेको छ ।
कम्पनीले आगामी दुई बर्षसम्म एन्ड्रोइड ११ र एन्ड्रोइड १२ अपडेट दिने जनाएको छ । यसमा एआई क्वाड क्यामरा सेटअप रहेको छ, जसमा ४८ मेगापिक्सलको प्राइमरी क्यामेरा सेन्सर उपलब्ध रहेको छ ।
यस बाहेक ५ मेगापिक्सलको अल्ट्रा वाइड, २ मेगापिक्सेल म्याक्रो र २ मेगापिक्सेल डेप्थ सेन्सर पनि राखिएको छ । फोनमा ४ जीबी र्याम रहेको छ भने ६४ जीबी र १२८ जीबी इन्टरनल स्टोरेज रहेको छ ।
सेल्फीका लागि फोनमा १६ मेगापिक्सलको फ्रन्ट क्यामेरा उपलब्ध छ । फोनमा ५००० एमएएचको शक्तिशाली ब्याट्री राखिएको छ, जसले १८ वाटको फास्ट चार्जिंग सपोर्टको गर्दछ ।
४ जीबी र्याम र ६४ जीबी रोम रहेको फोनको मूल्य भारतमा १० हजार ९९९ भारु तोकिएको छ भने ४ जीबी र्याम र १२८ जीबी रोम रहेको फोनको मूल्य १२ हजार ४९९ भारु तोकिएको छ ।
माइक्रोम्याक्स इन १ बी
माइक्रोम्याक्स इन १ बीमा ६.५ इन्चको एचडी डिस्प्ले राखिएको छ भने मिडियाटेकको हेलियो जी ३५ प्रोसेसर प्रयोग गरिएको छ ।
फोनमा ड्यूल क्यामरा सेटअप रहेको छ जसमा १३ मेगापिक्सेल प्लस २ मेगापिक्सेलको मेन क्यामेरा राखिएको छ । सेल्फीका लागि ८ मेगापिक्सेलको फ्रन्ट क्यामेरा रहेको छ ।
माइक्रोम्याक्स इन १ बी २ जीबी र्याम र ३२ जीबी स्टोरेज तथा ४ जीबी र्याम र ६४ जीबी स्टोरेजका साथमा उपलब्ध रहेको छ ।
फोनमा ५००० एमएएचको शक्तिशाली ब्याट्री राखिएको छ, जसले १० वाटको फास्ट चार्जिंग सपोर्ट गर्दछ । २ जीबी र्याम र ३२ जीबी स्टोरेज भएको फोनको मूल्य ६ हजार ९९९ भारु तोकिएको छ । भने ४ जीबी र्याम र ६४ जीबी स्टोरेज फोनको ७ हजार ९९९ भारु तोकिएको छ ।
