आईसीटी समाचार
एलजीले मास्क जसरी लगाउने खालको ब्याट्रीले चल्ने एयर प्यूरीफायर सार्वजनिक गरेको छ । यसले करिब ९९.९५ प्रतिशत भाइरस, ब्याकटेरिया र साधारण एलर्जीनबाट बचाउने गर्दछ ।
एलजीले यो कुरा भर्चुअल आईएफए २०२० को कार्यक्रममा बताएको थियो । यसमा दुई ओटा एच १३ हेपा फिल्टर हुने गर्दछन् । यो पहिरिन योग्य डिभाइसमा स्वासप्रणाली सेन्सर पनि हुने गर्दछ ।
यसमा रहेको दुई ओटा फ्यानले फिल्टर गरिएको हावा दिने गर्दछन । फ्यानको स्पीड प्रयोगकर्ताको स्वास लिने गतिले निर्धारण हुने गर्दछ । यसको लागी ८२० एमएएचको ब्याट्री चाहिने गर्दछ ।
यो लो पावर मोडमा ८ घण्टा टिक्ने गर्दछ र हाई पावर मोडमा २ घण्टा टिक्ने गर्दछ । फूल चार्ज गर्नका लागी यो डिभाइसले २ घण्टाको समय लिने गर्दछ ।
यो मास्कको विभिन्न पार्टहरुलाई हटाउन, सफा गर्न र नयाँ फेर्न पनि मिल्छ । यसलाई एलजीथीनक्यू एप सँग जोडिने भएकाले प्रयोगकर्ताले कहिले सेन्सर परिवर्तन गर्ने बारे जानकारी पाउन सक्दछन् ।
यो प्यूरीफायरको बट्टाले पनि यूभी सी एलईडी लाईटको प्रयोग गरेर ९९.९९ प्रतिशत हानीकारक किटाणु ३० मिनेटमा नै हटाउने गर्दछ ।
यसले प्रयोगकर्ताले सास फेरेको भागलाई पनि हटाउने गर्दछ । यो एसिया र मध्य पूर्वीमा रोलिङ आउट हुन थाल्नेछ । एजेन्सीको सहयोगमा
