आईसीटी समाचार
मोटोरोलासँगै धेरै स्मार्टफोन ब्राण्डहरुले आफ्नो आगामी फोनहरुमा सामसङको एक्सीनोस चीपसेट प्रयोग गर्ने भएका छन् ।
बिजनेस कोरियाको रिपोर्ट अनुसार सामसङले २०२१ मा साओमी, ओप्पो र भिभो जस्तो फोनहरुलाई एक्सीनोस चीपसेट उपलब्ध गराउनेछ । तर यस विषयमा कुनै आधिकारिक सूचना भने दिइएको छैन् ।
यो चीपसेट प्रयोग गर्दा बजेटमा भने सन्तुलननै रहनेछ । साओमी, ओप्पो जस्ता फोनमा एक्सीनोस प्रोसेसर प्रयोग गरिएको पहिलो फोनसेटहरु भने २०२१ को बिच तीर आउन सक्ने अनुमान लगाइएको छ ।
भीभोले चीनमा पहिले नै एक्सीनोस चीपसेट प्रयोग गरेर फोन निकालि सकेको छ । भीभोको वाई ७० एसमा सामसङ्को एक्सीनोस ८८० चीप प्रयोग गरिएको थियो ।
साओमी र अरु ब्राण्डहरु एक्सीनोस चीपसेटमा पुरै आधारित हुदैनन् । केही डिभाइसहरुमा क्वालकमको चिपसेट पनि प्रयोग हुनेछ । सामसङ्ले नोभेम्बर १२ मा एक्सीनोस १०८० प्रोसेसर सार्वजनिक गर्दैंछ ।
