आईसीटी समाचार
अनलाइन सपिङ साइट दराजबाट डिशहोम खरिद गर्दा विशेष छुट पाउन सकिने भएको छ । दराजले कार्तिक २६ गते बुधबार आयोजना गरेको ११.११ सेलमा डिशहोम खरिद गर्दा २० प्रतिशतसम्म छुट पाइने भएको हो ।
डिशहोम कनेक्सन, डिशहोम फाइबरनेट तथा डिशहोमका अन्य उपकरणहरु खरिदमा २० प्रतिशत वा ३ हजार रुपैयाँसम्म छुट प्राप्त हुनेछ ।
दराजको ११.११ सेलडे आज अर्थात बुधबार मात्रै सञ्चालन हुनेछ । ११.११ मा ग्राहकहरुले मेगा डिल, फ्ल्यास सेल्स, बैंक डिस्काउण्ट, निःशुल्क डेलिभरी, भौचरहरु र अन्यमार्फत ६ हजार भन्दा बढी विक्रेताहरू र १६० भन्दा बढी राष्ट्रिय र अन्तर्राष्ट्रिय आधिकारिक ब्राण्डहरुले बेच्दै आएका ५ लाख भन्दा बढी उत्पादनहरुमा धेरै भन्दा धेरै छुट पाउनेछन् ।
यसपालिको ११.११ सेलमा ग्राहकहरुले साझेदार बैंकहरूको डेबिट र क्रेडिट कार्डमार्फत समान अर्डर गर्दा २० प्रतिशत (३ हजार रुपैयाँसम्मको) छुट पाउनेछन ।
यसको लागि नबिल बैंक, एनआईसी एशिया, सानिमा बैंक, ग्लोबल आईएमई बैंक, एनएमबी बैंक, मेगा बैंक, नेपाल बंगलादेश बैंक, कुमारी बैंक, लक्ष्मी बैंक, सेञ्चुरी बैंक र हिमालयन बैंकका कार्डबाहकहरूले सेवा लिन सक्नेछन् ।
