आईसीटी समाचार
गूगल फोटोमा अब सन् २०२१ देखि निःशुल्क अनलिमिटेड स्टोरेज सुविधा नपाइने भएको छ । गूगले फोटोजेले १ जुन २०२१ देखि निशूल्क अनलिमिटेड स्टोरेज सुविधा हटाउने भएको हो ।
१ जुन २०२१ पछि गूगल फोटोमा हालेको सबै फोटोलाई १५ जीबी भित्रको स्टोरेजमा नै गनिने छ । तर जून १, २०२१ भन्दा पहिले हालिएको फोटोहरुलाई भने असीमित स्टोरेजमा नै राखिनेछ ।
यसले हाई क्वालिटी फोटोहरुलाई भने निःशुल्क असीमित स्टोरेज दिने गर्दछ । त्यसैले ब्याक एण्ड सिन्कको विकल्प प्रयोग गरेर हाई क्वालिटी राख्यो भने क्लाउडमा ढुक्क साथ अपलोड गर्न सकिन्छ ।
कम्पनीको अनुसार गूगल फोटोले ४ ट्रिलियन फोटो र भिडियोहरुलाई स्टोरेज दिएको छ र हरेक हप्ता प्रयोगकर्ताहरुले करिब २८ बिलियन फोटो तथा भिडियोहरु अपलोड गर्ने गर्दछन् ।
१५ जीबीको मात्रै स्टोरेज दिएता पनि गूगलको अनुसार धेरै प्रयोगकर्ताहरुले यो सीमालाई दश वर्ष पछि मात्रै पार गर्न सक्नेछन् । ईमेजलाई कम्प्रेस गरेर राख्यो भने यसले करिब १ देखि ४ एमबी सम्म लिने गर्दछ त्यसैले १ जीबीमा ३०० ओटा जति फोटो राख्न सकिन्छ ।
आउँदो जून देखि भने प्रयोगकर्ताहरुले कुनकुन फोटो डिलिट गर्नुपर्ने छ भनेर हेरिरहनु पर्नेछ । तर गूगल वान सब्सिक्रिप्सन लियो भने मासिक १.९९ अमेरिकी डलरमा १०० जीबी स्टोरेज प्राप्त गर्न सकिन्छ । यसमा २ टेराबाइट सम्मको स्टोरेज लिने अप्सनहरु रहेका छन् ।
