आईसीटी समाचार
नेपालको सबैभन्दा ठूलो अनलाइन सपिङ दराजले कोभिड १९ को बाबजुद ११.११ का सबै पछिल्ला रेकर्डहरू तोड्न सफल भएको छ ।
११.११ सुरू भएको पहिलो घण्टा भित्र दराजले २.२२ करोड रुपैयाँको बिक्री दर्ता गर्यो, जुन गत वर्षको भन्दा ६० प्रतिशत बढी हो ।
अभियानको दौरान दराजमा ५.२ लाख प्रयोगकर्ताहरूको उपस्थिति थियो र ७००० भन्दा बढी विक्रेताहरूले २८ विभिन्न शहरहरूमा व्यापार गर्न सफल भए ।
वालेट र कार्ड मार्फत गरिने अनलाईन पेमेन्टमा पनि गत वर्ष भन्दा उल्लेखेनिय बढी वृद्धि देखियो जुन पुरै सेल को ४५ प्रतिशत थियो ।
समग्रमा, यसपाली को ११.११ मा गत बर्षको भन्दा तुलनात्मक रुपले बढी संख्यामा बिक्री भएको देखिएको दराजले जनाएको छ । अभियानको उल्लेखनीय हाइलाइटहरू मध्ये, पोको सी वान र एम २ फोन अभियान सुरु भएको पहिलो घण्टा भित्रै बिक्री भइसकेको थियो ।
कम्पनीका अनुसार बजारमा महामारीको कारण कम व्यापार भैरहेको बेला, ११.११ साना र मझौला आकारका उद्यमहरूको लागि सफलताको वरदान साबित भएको छ । ११.११ मा भएको कुल व्यापार संख्यामा २०५ जति एसएमईहरू द्वारा उत्पन्न भएको थियो।
यी एसएमईहरु दराजको सहयात्री कार्यक्रम द्वारा दराजमा दर्ता भएका थिए जुन कार्यक्रम विशेष गरि महामारीको बखत एसएमईहरुलाई सहयोग गर्न दराजले लिएर आएको थियो।
‘मुलुकको चुनौतीपूर्ण अवस्थाको बाबजुद पनि, नेपालमा सफलतापूर्वक ११.११ तेस्रो पटक आयोजना गर्न सकेको हामी खुसी छौं। फेरि पनि हामी उपभोक्ता र विक्रेता दुवैको लागि केहि सकारात्मक चिज ल्याउन सक्यौं। आर्थिक स्थितिलाई ध्यानमा राख्दै, ११.११ जस्ता सेल अभियानहरुले ठूलो रूपमा साना र मझौला आकारका व्यवसायहरूलाई आफ्नो उत्पादन बेच्न एक प्लेटफर्म पाउदछन जबकि ग्राहकहरूले उनीहरूको शपिंग आवश्यकताहरू सुरक्षित रूपमा पूरा गर्न सक्छन्।’ ११.११ बारेमा टिप्पणी गर्दै दराज नेपालका प्रबन्ध निर्देशक लिनो अलरिंगले भने ।
यस वर्षको ११.११ मा गत दुई वर्ष भन्दा अझ बढी प्रयोगकर्ताहरू, विक्रेताहरू, खरीददारहरू थिए। साथै सबै भन्दा पहिलो डेलिभरी ११.११ कै दिन ८ बजे भएको थियो। ग्राहकहरूले उनीहरूको अर्डर समयमै पुराउनका लागि कम्पनीले ७००० थप डेलिभरी गर्ने कर्मचारी थपेको थियो।
