आईसीटी समाचार
निकिशा श्रेष्ठमाथि दुर्व्यवहार भएको भिडियो टिकटकमा अपलोड गर्ने व्यक्ति पक्राउ परेका छन् । महानगरीय प्रहरी परिसर भक्तपुरको टोलीले भक्तपुर नगरपालिका २ का विशेष जोशीलाई पक्राउ गरेको हो ।
महानगरीय प्रहरी परिसर भक्तपुरको टोलीले जोशीलाई पक्राउ गरी थप अनुसन्धान गर्न साइबर ब्युरोलाई बुझाएको छ ।
टिकटकमा अपलोड गरेको भिडियो जोशीले खिचेका हुन वा होइनन् भनेर अनुसन्धान भइरहेको साइबर ब्यूरोका प्रहरी उपरीक्षक पशुपति रायले जानकारी दिए ।
श्रेष्ठमाथि दुर्व्यवहार भएको भिडियो मंगलबार सामाजिक संजालमा भाइरल भएको थियो । श्रेष्ठ बाटोमा हिँड्दै गर्दा बाइकमा आएका केही व्यक्तिले उनीमाथि दुर्व्यवहार गरेका थिए ।
