आईसीटी समाचार
एन्ड्रोइडको लोकप्रिय म्यासेजिङ मोबाइल एप गो एसएमएस प्रोका प्रयोगकर्ताहरुको व्यक्तिगत फोटा, भिडियो र अरु फाइलहरुलाई बाहिरिरहेका छन् । प्रयोगकर्ताका लाखौं डाटा बाहिरिए पनि एपले बगलाई फिक्स गर्न कुनै कदम चालेको छैन् ।
ट्रस्टवेभमा काम गर्ने सेक्युरिटी रिसर्चरहरुले कमजोरी पत्ता लगाएर गत अगस्टमा नै देखेर एप निर्मातालाई सम्पर्क गरेको थिए । ट्रस्टवेभले कम्पनीलाई समस्या ठीक गर्नका लागी ९० दिनको समय पनि दिएको थियो ।
तर ९० दिन भित्रमा पनि कुनै जवाफ नआएपछि अन्वेषकहरुले यो कुराको जानकारी सबै प्रयोगकर्ताहरुलाई गराएका छन् ।
गो एसएमएस प्रोका प्रयोगकर्ताहरुले फोटा, भिडियो वा अरु फाइलहरु पठाउँछन्, जसले यो एप इन्स्टल गरेको छैन, । यो एपले फाइलहरु सर्भरमा अपलोड गरिदिन्छ र प्रयोगकर्तालाई टेक्स्ट म्यासेजद्वारा वेब एड्रेस शेयर गर्न दिन्छ । जसले गर्दा पाउने व्यक्तिले एप इन्स्टल नगरेरै फाइल देख्न सक्छ ।
तर अन्वेषकहरुको अनुसार एप प्रयोगकर्ताहरुकै बिचमा पनि हरेक पटक फाइल वा फोटो सेयर गर्दा वेब एड्रेस बन्ने गर्दछ । यस्तो हुँदा वेब एड्रेसलाई पूर्वानुमान गर्ने कोही पनि व्यक्तिले अरु प्रयोगकर्ताको निजी फोटा, भिडियो या अरु फाइलहरु हेर्न सक्दछन् ।
गूगल प्ले स्टोरबाट गो एसएमएस प्रो एप १० करोड बढी डाउनलोड भएको छ ।
टेकक्रन्च
ले यही विषयमा छानबिन गर्दा केही दर्जन लिङ्कमै निजी जीवनको एकदमै व्यक्तिगत सूचनाहरु पाएको थियो । त्यसैले यो एप प्रयोग गर्नुभन्दा पूर्व सावधान हुनु एकदमै जरुरी देखिन्छ ।
