आईसीटी समाचार
ब्राजिलमा एक अस्पतालको कर्मचारीको गल्तीले लाखौँ कोभिड बिरामीहरुका व्यक्तिगत जानकारी बाहिरिएका छन् ।
जेडडीनेट का अनुसार ब्राजिलको न्युजपेपर एस्टाडाओले साओपाओलो अस्पतालको कर्मचारीले गिटहबमा एउटा स्प्रेडसीट अपलोड गरेको पत्ता लगाएको थियो ।
जसमा सरकारी डेटाबेस लगइन गर्ने विवरण रहेको थियो र यसले गर्दा लाखौँ कोभिड बिरामीको निजी जानकारी बाहिरियो । यसमा विरामीको नाम, ठेगाना, पहिचान र चिकित्सा इतिहास रहेको थियो ।
यो डेटामा कोभिडको हल्का विरामी र नाजुक विरामी दुवैको जानकारी राखिएको थियो । यसमा ब्राजिलको राष्ट्रपति जेयर बोल्सोनारो, उनको परिवार लगायत सात जना मन्त्रीहरुको पनि जानकारी रहेको थियो ।
यस्तो खालको जानकारी बाँहिरिदा त्यो व्यक्तिको माथि धेरै किसिमको खतरा आइपर्न सक्छ । यसले थुप्रै किसिमको ठगी पनि गराउन सक्छ । अहिले प्रविधिको समयमा जानकारी फैलिन पनि केही बेर पनि लाग्दैन् ।
