मनकामना केबलकारको टिकट अब प्रभु पेबाटै खरिद गर्न सकिने

नेपालकै पहिलो केबलकार मनकामना केबलकारको टिकट अब प्रभु पेबाटै खरिद गर्न सकिने भएको छ । मंसिर २१ गतेदेखि मनकामना केबलकारको टिकट प्रभु पेबाटै काट्न सकिने भएको हो ।

प्रभु पेबाटै मनकामना केबलकारको टिकट काट्न सकिने भएपछि मनकामना दर्शन गर्न जाने भक्तजनहरुले टिकट खरिद गर्न लामो लाइनमा बस्नु पर्ने बाध्यता समेत अन्त्य भएको छ ।

प्रभु पे नेपाल राष्ट्र बैंकबाट अनुमति प्राप्त संस्था हो । प्रभु पेबाट रिचार्ज गर्न, इन्टरनेट, टेलिभिजन, खानेपानी विद्युती बिल भुक्तान गर्न, बस, हस्पिटल, हवाईजहाजको टिकट काट्न, अनलाइन सपिङको भुक्तान गर्न लगायतका सुविधाहरु पाउन सकिन्छ ।

साथै यसबाट बैंक अकाउन्टमा पैसा पठाउन तथा रेमिट्यान्स सुविधा लिन सकिन्छ । भने विभिन्न बैंकबाट प्रभु पेमा पैसा लोड गर्न समेत सकिन्छ ।