आईसीटी समाचार
मनकामना दर्शन गर्न जाने भक्तजनहरूले मनकामना केबुलकारको टिकट ‘खल्ती’ डिजिटल वालेटबाटै खरिद गर्न सक्ने भएका छन् । खल्तीले शुल्क भुक्तानी गर्ने सम्बन्धी मनकामना केवलकारसँग सम्झौता गरेको छ ।
खल्तीका ग्राहकले खल्तीको वेबसाइट वा मोबाइल एपमा रहेको मनकामना केवलकारको मेनुमा ट्याप गरेर शुल्क भुक्तानी गर्न सक्नेछन् ।
खल्तीबाट शुल्क भुक्तानी गरेपछि ग्राहकले आफ्नो बाइलमै इटिकट प्राप्त गर्ने छन् । उक्त ईटिकट देखाएर ग्राहकले केबुलकारमा यात्रा गर्न सक्नेछन् ।
खल्तीबाट टिकट शुल्क भुक्तानी गर्न सकिने भएपछि ग्राहकहरू लाइनमा बस्नु पर्ने झन्झटबाट मुक्त हुने छन् । मनकामना केबुलकार हाल कोरोना भाइरसका कारण सञ्चालन बन्द रहेको छ ।
