आईसीटी समाचार
शिक्षा तथा मानव स्रोत विकास केन्द्रले ‘इक्लास नेपाल’ नामक मोबाइल एप सञ्चालनमा आएको छ । शिक्षक तथा विद्यार्थीलाई लक्षित गरी सञ्चालनमा आएको एप प्रगति आइटी सोलुसनले निःशूल्क बनाएको हो ।
भर्चुअल कार्यक्रम मार्फत शिक्षा विज्ञान तथा प्रविधि मन्त्री गिरिराजमणी पोखरेलले इक्लास नेपाल एपको उद्घाटन गरेका हुन् । इक्लास नेपाल एपमा यस अघि नै तयार भएका भिडियोहरु र कक्षागत रुपमा पाठ्यक्रम लगायतका सामग्रीहरु राखिएको केन्द्रका सूचना अधिकारी माधव प्रसाद दाहालले बताए ।
कक्षा १ देखि १० सम्मका अनिवार्य विषय समावेश गरिएको एप एन्ड्रोइड मोबाइलबाट शिक्षक तथा विद्यार्थीले प्रयोग गर्न सक्ने छन् । उक्त एपमा विद्यार्थीका लागि पाठ्य सामग्री र शिक्षकका लागि शिक्षक निर्देशिका, मूल्यांकन विधि लगायका वैकल्पिक शैक्षिक सामग्री समावेश गरिएको छ ।
एन्ड्रोइडमा मात्रै उपलब्ध रहेको एप छिटै आइओएसमा समेत उपलब्ध हुनेछ । एन्ड्रोइड प्रयोगकर्ताले इक्लास मोबाइल एप डाउनलोड गर्न
यहाँ क्लिक
गर्नुहोस् ।
