आईसीटी समाचार
फ्युचर एजुकेश अफ साइन्स एण्ड टेक्नोलोजी (फेस्ट) कम्पनीले ‘युगद्रष्टा’ एप सार्वजनिक गरेको छ । एपबाट डा. निर्मलमणी अधिकारीका चर्चित पुस्तकहरु अब युगद्रष्टा एप मार्फत निशुल्क पढ्ने व्यवस्था गरिएको छ ।
युगद्रष्टा एप निशुल्क उपल्ब्ध गराएको फेस्टका संस्थापक अध्यक्ष धिरेन्द्र चन्द सोडारीले बताए । युगद्रष्टा एप फेस्ट कम्पनीका संस्थापक तथा सिइयो इन्जिनियर विक्कि महतले बनाएका हुन् ।
युग बोध गरी युगमा आइपर्ने समस्याको आकंलन गर्न सक्ने साथै समस्याको समाधान पनि सुझाएको कारण अधिकारिलाई युगनिर्माण अभियान नेपालले युगद्रष्टाको रुपमा सम्मान गरेको थियो ।
पचास भन्दा धेरै पुस्तकको लेखन तथा सम्पादन गरिसकेका डा.निर्मलमणि अधिकारीका नयाँ र वर्तमान समयमा सान्दर्भिक एक दर्जन पुस्तकहरु एप मार्फत निःशुल्क पढ्न सकिने छ ।
एपमा अधिकारिले लेखेका राजनीतिक सिद्धान्त पहिलो संस्करण राज्यराष्ट्र नेपाली भाषा, नेपाल भाषा, भोजपुरी भाषा, मैथली भाषा पढ्न सकिने छ ।
त्यसैगरी राज्यराष्ट्र दोस्रो संस्करण, महान् दार्शनिक कुमारिल भट्ट र भाट्ट–मीमांसा–दर्शनको संक्षिप्त परिचय, वैज्ञानिक सत्ययुगको आधारशीला, वेद र वैदिक हिन्दू धारा, नेपालको पुनर्जागरको अर्थ र आधार, सहृदयता दर्शनको प्राक्थन सहित चर्चित पुस्तकहरु एपमा उपलब्ध छन् ।
एपमा अधिकारिले हाल सम्म गरेका प्राज्ञिक सोध तथा प्रतिपादन गरेका सिद्धान्तका बारेमा पनि जानकारी राखिएको छ ।
