आईसीटी समाचार
साङ्केतिक तस्वीर
चीनको आधिकारिक डिजिटल करेन्सी अब अनलाइन स्टोरमा प्रयोग गर्न सकिने भएको छ । रोयटर्सको रीपोर्ट अनुसार जेडी डटकमले अब केही सामानको खरिदमा चिनियाँ डिजिटल करेन्सी युआनको प्रयोग गर्न दिनेछ ।
भर्चुअल पैसा प्रयोग गर्न दिने यो पहिलो अनलाइन प्लेटफर्म हो । यो जाँच भने भौतिक स्टोरमै अप्रिल २०१९ मा सेनजेनबाट सुरु गरिएको थियो । चीनको केन्द्रीय बैंकले यो डिजिटल करेन्सीलाई नियन्त्रण गर्ने गर्दछ ।
यसले बीटकोइन जस्तो भर्चुअल पैसालाई अझै महत्व र स्थिरता प्रदान गर्नेछ । यसले चीनलाई अझै नगद मुक्त गर्नमा मद्दत पुर्याउँछ । भर्चुअल करेन्सी प्रयोग गर्ने देशमा चीन मात्रै नभएर जापान, भेनीजुएलाहरु पनि पर्ने गर्दछन् ।
यी देशहरुको आफ्नै भर्चुअल करेन्सी रहेको छ । तर यो प्रयासले चीनलाई अरु देश भन्दा अघि सारेर अन्य देशहरुलाई पनि भर्चुअल नगदको प्रयोग गर्न प्रोत्साहित गरेको छ ।
