आईसीटी समाचार
नेपाल फ्लाइङ ल्याब्सले १० हजार अमेरिकी डलर सहितको अन्तर्राष्ट्रिय पुरस्कार जितेको छ । फ्लाइङ ल्याब्सले स्टार्टअप क्याटोगोरीमा ११ लाख रुपैयाँ भन्दा बढी पुरस्कार राशिको ‘टिआइएसीए एयर कार्गो सस्टेनिबिलिटी अवार्ड २०२०’ जितेको हो ।
यो अवार्ड दी अन्तर्राष्ट्रिय एयर कार्गो एसोशिएसन (टिआइएसीए) ले प्रदान गरेको थियो । फ्लाइङ ल्याबले ड्रोन अप्टिमाइज्ड थेरापी सिस्टम (ड्रोओट्स) नामक मेडिकल ड्रोन सञ्चालन गरिरहेको छ ।
नेपाल फ्लाइङ ल्याबले सञ्चालन गरेको ड्रोन अप्टिमाइज्ड थेरापी सिस्टम (ड्रोओट्स) ले दुर्गममा गएर क्षयरोग परीक्षणका लागि खकार संकलन गर्ने काम गरेको थियो । ड्रोओट्स ड्रोन प्युठान जिल्लामा सञ्चालनमा ल्याइएको थियो । क्षयरोग परीक्षणको लागि ६ महिनामा ७ सय भन्दा बढि नमुना ड्रोनबाट डेलिभरी भएको थियो । जसमा २५ भन्दा बढी बिरामीहरुको नमुनामा पोजेटिभ इफेक्ट देखाएको थियो ।
क्षयरोग परिक्षणको लागि बिराट नेपाल मेडिकल ट्रष्टले प्युठान जिल्ला अस्पतालमा जिनएक्सपर्ट मेसिन जडान गर्न सहयोग गरेको थियो । जिनएक्सपर्टबाट खकार जाँच गर्दा क्षयरोग हो की हैन् भनेर करिब ९८ प्रतिशत वास्तविक नतिजा पाउन सकिन्छ भने माइक्रोस्कोपबाट खकार जाँच गर्दा ४५ देखि ५० मात्रै प्रतिशत वास्तविक नतिजा पाउन सकिन्छ ।
यो पनि पढ्नुहोस्ः नेपालमै बनेको मेडिकल ड्रोनले जित्यो अन्तर्राष्ट्रिय अवार्ड, पायो ५ हजार डलर पुरस्कार
यस परियोजनामा नेपाल फ्लाइङ ल्याब, ड्रोन नेपाल, बिराट नेपाल मेडिकल ट्रष्ट, वी रोबोटिक्स र जिल्ला जन स्वास्थ्य कार्यालय प्युठान संलग्न रहेका छन् । भने स्टोनी ब्रुक युनिभर्सिटी र निक साइमन इन्स्टिच्युट नेपालको पनि सपोर्ट रहेको छ ।
केही समयअघि दि एशोशिएसन फर अनम्यान्ड भेहिकल सिस्टम इन्टरनेशनल (एयुभीएसआई) ले हरेक वर्ष आयोजना गर्ने एयुभीएसआई एक्सेलेन्स अवार्ड अन्तरगतको ह्युम्यानिटेरियन क्याटोगोरीमा ड्रोओट्स ड्रोन विजेता हुन् सफल भएको थियो ।
कसरी काम गर्छ ड्रोओट्सले ?
सामुदायिक स्वास्थ्यकर्मीको अनुरोधमा ड्रोन केन्द्रीय अस्पतालबाट उडेर खकार संकलन गर्न दुर्गम क्षेत्रमा जाने गर्छ र उक्त नमुना जाँचको लागि केन्द्रीय अस्पतालमा ल्याउँछ ।
यदि नमुना जाँच गर्दा नतिजा सकारात्मक आएमा उपचारको लागि बिरामीलाई डाइरेक्ट अजरभेसन ट्रिट्मेन्ट सिस्टम (डट्स) विधी प्रयोग गर्ने गरिन्छ ।
