आईसीटी समाचार
कम्प्युटर एसोशिएसन नेपाल (क्यान) महासंघले सन् २०२० को क्यान इन्फोटेकमा स्टार्टअप पेभिलियनमा सहभागी स्टार्टअप मघ्ये उत्कृष्ट एक स्टार्टअप ‘होम मेड नेपाल’ लाई पुरस्कार प्रदान गरेको छ ।
क्यान महासंघले शुक्रबार आयोजना गरेको ‘ब्रिजिङ दी ग्याप फर आइसिटी ग्रोथ’ विषयक कार्यक्रममा होम मेड नेपालका श्रृष्टि अवाले र सुशान्त मर्जनलाई ५० हजार नगद सहित सम्मान गरेको हो ।
महासंघले क्यान इन्फोटेक २०२० मा स्टार्टअपहरुलाई प्रोत्साहित गर्न र प्रवर्द्धन गर्न छुटै स्टार्टअप पेभिलियनको व्यवस्था गरेको थियो ।
जस अनुसार स्टार्टअप पेभिलियनमा सहभागी भएका स्टार्टअप मध्ये एक स्टार्टअपलाई सम्मान गर्ने बताइएको थियो ।
उक्त सम्मान राष्ट्रिय सूचना प्रविधि दिवसको अवसरमा वितरण गर्ने भनिए पनि कोरोना महामारीको कारण शुक्रबार मात्रै वितरण गरिएको हो ।
साथै श्रृष्टि अवाले, सुशान्त महर्जन, र गौतम श्रेष्ठले बनाएको स्मार्ट घर प्रोजेक्ट राइजिङ स्टुडेन्ट आइसिटी अवार्ड २०२० को उत्कृष्ट ५ मा छनौट भएको छ ।
