आईसीटी समाचार
भविष्यमा स्न्यापड्रयाग्न फोनहरुले चार वर्ष सम्मको सुरक्षा अपडेटहरु पाउन सक्ने भएका छन् । यो गूगल र क्वालकम बिचमा प्रोजेक्ट ट्रेबललाई सुधार गर्ने सम्झौता भएकाले अनुमान गरिएको हो ।
गूगलले सन् २०१७ मा प्रोजेक्ट ट्रेबलको घोषणा गरेको थियो । यसले फोन निर्माणकर्ताहरुलाई मोबाइल अपरेटिङ प्रणालीमा सजिलै र छिट्टै अपडेटको नयाँ भर्सन हाल्न सक्ने सुविधा दिन्छ ।
तर त्यति खेर यो प्रोजेक्ट अघि बढेन र अब मात्रै यो प्रोजेक्टलाई क्वालकमसँग सहकार्य गरेर अघि बढाउने भएको हो । यी दुई कम्पनीको सम्झौताले निर्माणकर्ताहरुलाई अपडेट ल्याउनका लागी लाग्ने समय र मिहिनेतको खपत कम गरिदिएर सहज बनाइदिनेछ ।
त्यही कारणले प्रोजेक्ट ट्रेबललाई सपोर्ट गर्ने स्न्यापड्रयाग्न फोनहरुले चार वर्ष सम्मको सुरक्षा अपडेटहरु पाउन सक्नेछन् ।
यसको लागी फोन भने हाई–इण्डको हुनुपर्छ । यसका लागी फोनहरुले स्न्यापड्रयाग्न ८८८ चीप प्रयोग गरेको हुनुपर्छ ।
