आईसीटी समाचार
इन्टरनेटको माध्यमबाट प्रसारण हुने टेलिभिजन तथा भिडियो कन्टेन्टमा क्लिनफिड लागू गर्न माग गर्दैं सर्वोच्च अदालतमा मुद्दा दायर भएको छ ।
सञ्चार तथा सूचना प्रविधि मन्त्रालय, सूचना तथा प्रसारण विभाग, विज्ञापन बोर्ड र नेपाल दूरसञ्चार प्राधिकरणलाई विपक्षी बनाएर सर्वोच्चमा मुद्दा दायर भएको हो ।
अधिवक्ता विशेश्वर प्रसाद गौतमले विज्ञापन नियमन गर्ने ऐन, राष्ट्रिय प्रसारण नियमावलीविरुद्ध डाउनलिंक अनुमति नलिएका विदेशी टेलिभिजन तथा भिडियो सामग्री एप्लिकेसन मार्फत प्रसारण भएको र त्यसलाई रोक्न माग गर्दै मुद्दा दायर गरेका हुन् ।
एन्ड्रोइड तथा आइओएसमा विभिन्न एपहरु डाउनलोड गरी वा अनलाइन माध्यम तथा ओटीटीबाट पनि टेलिभिजन च्यानलहरु प्रसारण भइरहेको भन्दै यस्ता क्रियाकलाप रोक्न रिट निवेदनमा माग गरिएको छ ।
नेपालमा क्लिक फिड लागु भएपछि केबल टिभी व्यवसायीहरुले आईपी टिभी बन्द गर्नुपर्ने माग राख्दै आएका थिए । नेपालमा गत कार्तिक ७ गतेदेखि क्लिनफिड लागु भएको हो ।
