आईसीटी समाचार
पठाओका चालकहरुले कम्पनीले लिने कमिसन घटाउन माग गर्दैं आन्दोलनको तयारीमा जुटेका छन् । सोमबार काठमाडौंको युएनपार्कमा भेला भएर पठाओ चालकहरुले कमिसन घटाउन माग गरेका हुन् ।
पठाओले चालहरुबाट हाल यात्रुले तिर्ने भाडाको २० प्रतिशत रकम कमिसनको रुपमा लिदैं आएको छ । २० प्रतिशत कमिसन लिदा आफुहरु मारमा परेको भन्दैं चालकहरुले कमिसनलाई ८ प्रतिशतसम्म झार्नुपर्ने माग गरेका छन् ।
पठाओका चालकहरूले बाइकको बिमा पनि कम्पनीले गरिदिनुपर्ने माग अगाडी सारेका छन् । साथै राइड शेयरिङका क्रममा दुर्घटना भएमा यात्रुले पनि क्षतिपूर्ति र उपचार खर्च पाउने गरी बिमा गर्नुपर्ने उनीहरुले माग रहेको छ ।
पठाओले अहिले नेपालमा ट्याक्सी र मोटरसाइकल मार्फत राइड शेयरिङका साथसाथै फुड डेलिभरीको सेवा पनि प्रदान गरिरहेको छ । नेपालमा पठाओले आफ्नो सेवा सन् २०१८ मा शुरु गरेको थियो ।
