लबिम मलमा हुने क्रिसमसमा सहकार्य गर्दै फोर्ड, टेष्ट ड्राइभका साथै उपहार जित्न सक्ने

जीओ अटोमोवाइल्स प्रालि (जीओ) फोर्ड गाडीको नेपालको लागि आधिकारिक विक्रेताले हालै फोर्डको २०२१ संस्करण २०२० कै मूल्यमा बुकिङ्ग खुल्ला गरेको थियो ।

क्रिसमसको उपलक्ष्यमा लविम मलले हरेक वर्षझै गर्ने हर्षोल्लासमय पर्वमा फोर्डले सहकार्य गर्दै विभिन्न उपहारहरु ग्राहकवर्गमाझ बाढ्ने भएको छ । साथै यस उत्सवमा फोर्डको २०२१ सँस्करण गाडी २०२० मूल्यमा बूकिङ्गको व्यवस्था पनि गरिएको छ ।

ग्राहकको सुविधालाई ध्यानमा राखी फोर्ड इकोस्पोर्ट र फोर्ड फ्रिस्टाइलको टेष्ट ड्राइभको पनि व्यवस्था गरिएको छ । यस उत्सवमा ग्राहकहरुले विभिन्न अद्भुत र आश्चर्यजनक खेल, प्रतियोगिताहरुको साथै यसपाली अलि फरक किसिमको सान्तासँग अन्तरक्रिया गर्ने मौका पनि प्राप्त गर्न सक्ने छ ।

पहिला देखि नै हामीले सान्तालाई रातो र सेतो पहिरणमा देख्दै आइरहेको छौं भने यसपाली लविममा सान्ता नीलो र सेतो पहिरणमा हुनेछ ।

प्रदशर्नी तथा टेष्ट ड्राइभ

सो उत्सवमा ग्राहकले आफ्नो छनौटको फोर्ड गाडी अवलोकन तथा टेष्ट ड्राइभ गर्न पाउने सुविधाको पनि व्यवस्था गरिएको छ । फोर्ड विक्री प्रतिनिधिले इच्छुक ग्राहकको लागि विभिन्न फोर्ड गाडीको प्रदर्शन गर्नेछन् । साथै २०२१ संस्करण फोर्ड गाडीको २०२० मूल्यमा वुकिङ्गको पनि व्यवस्था गरिएको छ ।

फोटो प्रतिस्पर्धा

कम्पनीको डिजिटल प्रचार अन्तरगत उत्सवमा सहभागीहरुले तल्लो फ्लोरमा रहेको क्रिसमस ट्री (एल जी टी) सँगै फोटो खिची आफ्नो सोसियल मिडिया (पब्लिक पोष्ट) मा निम्न ह्यासट्याग # FORD_WINTER_FEST_#FORD NEPAL # LABIM MALL पोष्ट गरी दैनिक आकर्षक उपहार जित्न सकिने छ ।  यस प्रतिस्पर्धाको विजेताले फबाट आकर्षक उपहार एमआई फिट ब्याण्ड प्राप्त गर्नेछन् ।

नीलो सान्ता

सान्ता बारे तपाईको अवधारणा के छ ? सान्ता जसलाई रातो र सेतो पहिरणमा देख्छौं यस क्रिसमसमा फोर्डले फरक परिदृश्यमा प्रस्तुत गर्दैछ ।

सान्ता फोर्डको नीलो पृष्ठभूमीमा राम्रो साजसज्जाका साथ प्रस्तुत हुँदै उपहार चकलेट बाँढ्दै लविम मलको दर्शकमा प्रेमभाव व्यक्त गर्नेछन् ।