आईसीटी समाचार
विश्वको लोकप्रिय म्यासेजिङ एप ह्वाट्सएपले सन् २०२० मा विभिन्न नयाँ फिचरहरु सार्वजनिक गरेको छ । सार्वजनिक भएका केही फिचरहरुमा ह्वाट्सएपले सन् २०१९ देखिनै काम गर्न थालेको थियो ।
आज हामी तपाईलाई सन् २०२० मा ह्वाट्सएपमा आएका १० फिचरहरुको बारेमा जानकारी दिदैछौं ।
डिसअपेयरिङ म्यासेज
ह्वाट्सएपले केही समय अगाडी डिसअपेयरिङ म्यासेज फिचर सार्वजनिक गरेको थियो । जसमा यो फिचर इनेबल गरेर म्यासेज पठाउन सकिन्छ ।
यो फिचर एकपटक इनेबल भएपछि व्यक्रिगत वा ग्रुप च्याटमा पठाइएको म्यासेज सात दिनपछि हराउने छ ।
ह्वाट्सएप पेमेन्ट
ह्वाट्सएप पेमेन्ट फिचर यसै वर्ष सार्वजनिक भएको हो । यो फिचरको सहयोगले पियर टु पियर रकम ट्रान्सफर गर्न सकिन्छ ।
कस्टमाइजेबल वालपेपर
कस्टमाइजेबल वालपेपर फिचर आउनुअघि प्रयोगकर्ताले एउटा मात्रै वालपेपर च्याटमा सेट गर्न सक्दथे । तर गत महिनामात्रै वाट्सएपले कस्टमाइजेबल वालपेपर सार्वजनिक गर्यो ।
ह्वाट्सएप प्रयोगकर्ताले कस्टमाइजेबल वालपेपर मार्फत् फरक फरक वालपेपरहरु फरक फरक च्याटमा सेन्ड गर्न सक्छन् । त्यहाँ वालपेपरको रुपमा फोटो लिने विकल्प पनि रहेको छ ।
सधैंको लागि च्याट म्युट
ह्वाट्सएपले यो वर्ष च्याटलाई सधैंको लागि म्युट गर्न सकिने फिचर सार्वजनिक गर्यो । प्रयोगकर्ताले व्यक्तिगत तथा ग्रुप च्याटलाई सधैंको लागि म्युट गर्न सक्छन् ।
एनिमेटेड स्टिकर
यो वर्ष एनिमेटेड स्टिकरको सुविधा पनि ह्वाट्सएपमा आयो । च्याटलाई चाखलाग्दो र रमाइलो बनाउन कम्पनीले एनिमेटेड स्टिकर फिचर सार्वजनिक गरेको हो ।
हाल एपमा चारवटा एनिमेटेड स्टिकर प्याक डाउनलोडका लागि उपलब्ध छन् ।
ग्रुप भिडियो कल
ह्वाट्सएपले सन् २०२० मा ग्रुपमा पनि भिडियो कल गर्न सकिने सुविधा सार्वजनिक गर्यो । यस फिचर मार्फत एकपटकमा आठ जनासम्मले कुराकानी गर्न सक्छन् ।
एडभान्स सर्च अप्सन
ह्वाट्सएप एपमा कम्पनीले एडभान्स सर्च अप्सनको सुविधा ल्यायो । यस फिचरको सहयोगले प्रयोगकर्ताले टेस्ट म्यासेज मात्र नभएर फोटोज, गिफ, भिडियो तथा अन्य डकुमेन्ट पत्ता लगाउन सक्छन् ।
क्युआर कोड
क्युआर कोडको सहयोगले ह्वाट्सएपमा नयाँ साथी बनाउन अझै सहज बनाइदिएको छ । यो फिचरले क्युआर कोड मार्फत कन्ट्याक्ट डिटेल शेयर गर्न सहयोग गर्छ ।
डार्क मोड
यो वर्ष ह्वाट्सएपमा डार्क मोड फिचर पनि सार्वजनिक भएको छ । कम्पनीका अनुसार डार्क मोड फिचरले आखाँमा तनाव कम गर्न मद्दत पुर्याउने छ ।
स्टोरेज म्यानेजमेन्ट टुल
ह्वाट्सएपले हालै स्टोरेज म्यानेजमेन्ट टुल पनि सार्वजनिक गरेको छ । जसले स्टोरेज फुल भयो भने प्रयोगकर्तालाई स्वत उनीहरुको फोनमा सूचना पठाउँछ । साथै स्टोरेज खाली गर्न फोटो, भिडियो तथा जंक डेटा हटाउन भन्छ ।
