आईसीटी समाचार
नेपालको सूचना प्रविधि क्षेत्रको निकै प्रतिष्ठित अवार्डको रूपमा परिचित आइसिटी अवार्डको पाँचौं संस्करणको ग्राण्ड फिनाले शनिवार होटल सोल्टी क्राउन प्लाजामा सम्पन्न भएको छ ।
लिभिङ विथ आइसिटीको आयोजनामा सम्पन्न ह्वावे आइसिटी अवार्ड २०२० लाई अन्तराष्ट्रिय दूरसञ्चार तथा सूचना प्रविधि ब्राण्ड ह्वावेले प्रस्तुत गरेको छ ।
ह्वावे आइसिटी अवार्ड २०२० मा विभिन्न ११ विधा र जुरी मेन्सन सहित १२ प्रतिस्प्रधिलाई अवार्ड प्रदान गरिएको छ । सञ्चार तथा सूचना प्रविधि मन्त्री पार्वत गुरुङ, मन्त्रालयका सचिव हरि बस्याल, पूर्वमन्त्री गणेश शाह, योजना आयोकका सदस्य डा राम कुमार फुयाल र हुवावे नेपालका सिइयो ज्याङ जियोजिङ लगायतले विजेतालाई अवार्ड प्रदान गरेका थिए ।
अन्तराष्ट्रिय दूरसञ्चार तथा सूचना प्रविधि कम्पनी ह्वावे नेपालले नेपालको दूरसञ्चार र सूचना प्रविधिको क्षेत्रमा विगत दुई दशकदेखि उल्लेखनियरुपमा कार्य गर्दै आएको छ ।
कम्पनीले दूरसञ्चार क्षेत्रमा आवश्यक पर्ने प्रविधिहरुका साथै सूचना प्रविधिका नविनतम र आविश्कारिक प्रविधि, डिभाइस तथा सेवाहरु प्रदान गरिरहेको छ ।
ह्वावेले पछिल्लो दिनमा नयाँ प्रविधिहरु जस्तै फाइभजी, क्लाउड र एआईको प्रयोगमा जोड दिँदै डिजिटल नेपाल निर्माण गर्न निरन्तरता दिईराख्नेछ ।
आइसिटी अवार्ड २०२० मा राइजिङ स्टुडेन्ट प्रोजेक्ट सञ्चै छौदेखि डिजिटल गर्भनेन्सको उत्कृष्ट संस्था आन्तरिक राजश्व विभागससम्मले अवार्ड प्राप्त गरेका थिए ।
पायोनियर आइसिटी अवार्ड निलकण्ठ उप्रेतीले प्राप्त गरेभने आन्टरप्रनेर अवार्ड बिनय वोहोराले जित्न सफल भए । यसैगरी वुमन आइन आइसिटी अवार्ड तिमिला यामीले प्राप्त गरिन भने नेपाली डायस्पोरा आइसिटी अवार्ड गौरवराज उपाध्यायले जितेका छन ।
एनसेल इन्नोभेसन ड्रिभन क्राइसिस रेसपोन्स आइसिटी अवार्ड पाइला रिसेसिएटरले प्राप्त गरेको थियो भने स्टार्टअप आइसिटी अवार्ड क्रिप्टोजेन नेपालले प्राप्त गरेको छ । प्रडक्ट आइसिटी अवार्ड सिपिएफडिएस र जुरी मेन्सन आइसिटी अवार्ड हाम्रो स्वास्थले प्राप्त गरेको छ ।
यस ह्वावे आइसिटी अवार्ड २०२० को मुख्य प्रायोजकका साथै ह्वावे नेपालले प्रमुख ४ क्याटगरी स्टार्टअप आइसिटी अवार्ड, प्रडक्ट आइसिटी अवार्ड, राइजिङ स्टुडेन्ट आइसिटी अवार्ड र एनसेल इन्नोभेसन आइसिटी अवार्डका टप फाईभ बिजेताहरुलाई ह्वावे क्लाउड सेवा उपलब्ध गराउनेछ ।
यो सँगै एनसेलले इन्नोभेसन विधाका विजेतालाई ३ लाख रुपैया रकम पनि उपलब्ध गराएको छ । नेपाल टेलिकमले सबै विजेतालाई फाइबर, जिनस सोलुसनले ५ हजार डलर बराबरको क्रेडिट, इसेवाले विजनेश प्रवद्धन निशुल्क गरेका छन ।
अवार्ड कार्यक्रममा सम्वोधन गर्दै सञ्चार तथा सूचना प्रविधि मन्त्री पार्वत गुरुङले सरकारले प्रविधि क्षेत्रका विज्ञहरुको रोष्टर बनाएर विहृतरुपमा प्रविधिको विस्तार र डिजिटल नेपालको अभियानलाई सफल बनाउन चाहेको बताए ।
अब सूचना प्रविधिले राजनीति सफा गर्नुपर्ने बेला आएको भन्दै अवार्डले नेपाली इन्नोभेसन देखि सरकारीसस्थााई समेत अगाडी बढ्न प्रोत्साहन गरेको मन्त्री गुरुङको भनाई थियो । यसैगरी सचिव हरि बस्यालले ह्वावे जस्ता विश्वप्रसिद्ध कम्पनीहरुसगँको सहकार्य र लगानीले डिजिटल नेपालको सपना पुराहुनसक्ने बताए ।
पुर्वमन्त्री गणेश शाह, योजना आयोगका सदस्य रामकुमार फुयाल र ह्वावेका सिइयो ज्याङपनि कार्यक्रममा सम्वोधन गरेका थिए । ह्वावेका सिइयो ज्याङले नेपाललाई अन्तराष्ट्रिय स्तरमा प्रतिस्प्रधि र बलियो बनाउन सरकारसँग सहकार्य गरेर काम गर्न चाहेको बताए ।
ह्वावे आइसिटी अवार्ड २०२० मा विभिन्न ११ नियमित विधाहरूमा अवार्ड प्रदान गरिँदै आएकोमा यस पटक एक विधा थप गरेर जुरी मेन्सन आइसिटी अवार्ड २०२० पनि प्रदान गरिनेछ ।
ह्वावे आइसिटी अवार्ड २०२० का लागि यस वर्ष ३५० बढीको अनलाइन नोमिनेशन प्राप्त भएको थियो भने जुरी सल्लाहकारबाट पनि नोमिनेशन गरिएको थियो । ह्वावे आइसिटी अवार्ड २०२० मा १४ जना जुरी र सोही बराबर जुरी सल्लाहकार रहेका थिए ।
ह्वावे आइसिटी अवार्ड २०२० मा रहेका विधाहरूमा स्टार्टअप आइसिटी अवार्ड, प्रडक्ट आइसिटी अवार्ड, राइजिङ स्टुडेन्ट आइसिटी अवार्ड र एनसेल इन्नोभेसन आइसिटी अवार्डका विधाहरूमा विभिन्न चरणको छनौट पश्चात उत्कृष्ट ५ को घोषणा गरिएको थियो ।
डिजिटल एजुकेशन र डिजिटल गभर्नेन्स आइसिटी अवार्डमा उत्कृष्ट ३ को घोषणा भएको छ । यसैगरी पायोनियर आइसिटी अवार्ड, आन्टरप्रेनर आइसिटी अवार्ड, नेपाली डायस्पोरा आइसिटी अवार्ड, वुमन आइकन आइसिटी अवार्ड र मिडिया पर्सन आइसिटी अवार्ड २०२० को विजेताको पनि घोषणा गरिएको छ ।
सोहि उत्कृष्टहरु मध्येबाट ग्राण्ड फिनालेमा सर्वोकृष्ट अवार्ड बिजेताहरुको घोषणा गरिएको हो । अवार्ड बिजेताहरुको सूची यस प्रकार रहेको छ ।
अवार्डको नाम अवार्ड बिजेता
• स्टार्टअप आइसिटी अवार्ड– क्रिप्टोजेन नेपाल प्रालि
• प्रडक्ट आइसिटी अवार्ड– सीपीएफडिएस
• राइजिङ स्टुडेन्ट आइसिटी अवार्ड – सन्चै छौं
• एनसेल इन्नोभेसन ड्रिभन क्राइसिस आइसिटी अवार्ड– पाइला इमरजेन्सी रिस्ससिटिएटर
• डिजिटल एजुकेशन अवार्ड– बुढानिलकण्ठ स्कूल
• डिजिटल गभर्नेन्स आइसिटी अवार्ड– आन्तरिक राजस्व विभाग
• पायोनियर आइसिटी अवार्ड– निलकण्ठ उप्रेति
• आन्टरप्रेनर आइसिटी अवार्ड– विनय बोहरा
• नेपाली डायस्पोरा आइसिटी अवार्ड– गौरभ राज उपाध्याय
• वुमन आइकन आइसिटी अवार्ड–तिमिला यमी थापा
• मिडिया पर्सन आइसिटी अवार्ड– किरण आचार्य (कारोबार दैनिक)
• जुरी मेन्सन आइसिटी अवार्ड– हाम्रो स्वास्थ्य
कार्यक्रममा नेपाल सरकारको निर्देशनअनुसारको स्वास्थ्य सुरक्षाका सम्पूर्ण मापदण्ड अपनाएर अवार्डका प्रतिस्पर्धी र सीमित अतिथिको बीचमा कार्यक्रम सम्पन्न गरिएको थियो ।
कोरोना महामारीको कारण यस वर्षको ह्वावे आइसिटी अवार्ड २०२० नियमित समय भन्दा ढिलो भए तापनि प्रायोजकहरु, सहयोगी संस्थाहरु र जुरीको अथक मेहनतले गर्दा अवार्ड अझ परिष्कृत रूपमा आयोजना गर्न सफल भएको आयोजक समितिका अध्यक्ष राजन लम्सालले बताए ।
कार्यक्रम सफल रूपमा सम्पन्न गर्नका लागी आयोजक, जुरी र सल्लाहकार समितिले अथक प्रयास गरेका छन् । अवार्डमा गतवर्षभन्दा ३ गुणा बढी नोमिनेशन प्राप्त भएको र छनौट प्रक्रियाका लागि नै ४ महिनाको समय व्यतीत गरिएको थियो ।
२५ भन्दा बढी जुरी मिटिङहरू सम्पन्न भएका छन् । अधिकांश जुरी छनौट प्रक्रिया र मिटिङहरू सूचना प्रविधिको अधिकतम प्रयोग गरी भर्चुअल रूपमा सम्पन्न भएका थिए ।
‘अवार्डको छनौट प्रक्रिया निष्पक्ष, पारदर्शी र विश्वासिलो बनाउन जसरी विभिन्न किसिमले प्रविधिको प्रयोग गरिएको छ, यो नेपालमा नै पहिलो पटक गरिएको छ र सबैको लागि उदाहरणीेय रहेको छ,’ जुरी संयोजक शुशिल पोखरेलले भने ।
ह्वावे आइसिटी अवार्ड २०२० को ग्राण्ड फिनाले हिमालय टेलिभिजन, डिस होमका च्यानल, अनलाइनहरु, हाम्रो पात्रो एप, फेसबुक र युट्युबबाट समेत प्रत्यक्ष प्रसारण गरिएको थियो ।
ह्वावेले प्रस्तुत गरेको ह्वावे आइसिटी अवार्ड २०२० मा नेपाल टेलिकम र जिनस इन एसोसिएसन र फोनपे पावर्ड बाईमा रहेको छ । नेपाल दूरसञ्चार प्राधिकरणबाट कार्यक्रममा विशेष सहयोग प्राप्त रहेको थियो ।
यसमा एनसेल आजियाटा लिमिटेड, राष्ट्रिय वाणिज्य बैंक, ई–सेवा, नाष्ट, राष्ट्रिय सूचना प्रविधि केन्द्र, प्रेसिडेन्सियल बिजनेश स्कुल, निमा एकेडेमी, इमिनेन्स वेइज, डिस होम, टिडिओ नेपाल लगायतका संस्थाहरूले सहकार्य गरेका छन् ।
के के पाउँछन् अवार्ड विजेताले ?
ह्वावे आइसिटी अवार्ड २०२० का विजेताहरूले विशेष सम्मान, सिल्ड बाहेक पनि अन्य धेरै कुराहरू प्राप्त गर्नेछन् ।
यस ह्वावे आइसिटी अवार्ड २०२० को मुख्य प्रायोजकका साथै ह्वावे नेपालले प्रमुख ४ क्याटगरी स्टार्टअप आइसिटी अवार्ड, प्रडक्ट आइसिटी अवार्ड, राइजिङ स्टुडेन्ट आइसिटी अवार्ड र एनसेल इन्नोभेसन आइसिटी अवार्डका टप फाईभ बिजेताहरुलाई ह्वावे क्लाउड ९ज्गबधभष् ऋयिगम० सेवा उपलब्ध गराउनेछ ।
त्यसैगरि यस वर्ष स्टार्टअप आइसिटी अवार्ड, प्रडक्ट आइसिटी अवार्ड, राइजिङ स्टुडेन्ट आइसिटी अवार्ड र इन्नोभेसन ड्रिभन क्राइसिस रेस्पोन्स आइसिटी अवार्ड २०२० का विजेताले नेपाल सरकारको स्टार्टअप फण्ड अन्तर्गत ५० लाख रुपैयाँसम्म सहुलियतपूर्ण ऋण सुविधामा समावेश हुने अवसर मिल्नेछ ।
बैंकिङ पार्टनर राष्ट्रिय वाणिज्य बैंकले १० लाख रुपैयाँसम्म बिनाधितो सहुलियतपूर्ण ऋण सुविधा प्रदान गर्नेछन् । इन्नोभेसन ड्रिभन क्राइसिस रेस्पोन्स आइसिटी अवार्डका विजेताले एनसेल मार्फत विशेष आर्थिक रकम (३ लाख) पुरस्कारको रूपमा प्राप्त गर्नेछन् ।
इन एशोसिएशनमा रहेको नेपाल टेलिकमले सबै विजेतालाई एक वर्षका लागि उच्च गतिको फाइबर टु द होम सेवा प्रदान गर्नेछ । जिनियस सोलुसनले विजेताहरुलाई ५ हजार अमेरिकी डलर बराबरको अमेजन वेब होस्टिङ सेवा प्रदान गर्नेछ ।
सर्वोत्कृष्टलाई ई–सेवाले आफ्नो बिजनेश इन्टिग्रेसन र प्रबद्र्धनमा निःशुल्क सहयोग गर्नेछ । साइबर सेक्युरिटी पार्टनर इमिनेन्स वेइजले साइबर सुरक्षाको लागि आवश्यक सहयोग प्याकेज दिनेछ । यससँगै विजेताले अन्य सेवा र सुविधाहरू पनि प्राप्त गर्नेछन् ।
शिर्ष प्रायोजक ह्वावे नेपालको बारेमा
अन्तराष्ट्रिय टेलिकम्युनिकेसन्स कम्पनी ह्वावे नेपाल २१ वर्षदेखि नेपालको सूचना प्रविधि र दूरसञ्चार क्षेत्रमा सेवा गर्दै आएको छ ।
सन् १९९९ देखि ह्वावेले टूजी थ्रीजी फोरजी (द्दन्रघन्रद्धन्) टेक्नोलोजी र सलुसनहरु नेपालमा प्रदान गर्दै आईरहेको छ । दूरसञ्चार सेवाको गुणस्तर बढाउँदै डिजिटल नेपालू को जग निर्माण गर्न ह्वावको योगदान महत्वपुर्ण रहेको छ ।
नेपालका करिब ३ करोड भन्दा बढी जनसंख्याले ह्वावेको सलुसनबाट फाइदा पाइरहेका छन् । स्थानीय योगदानमा ह्वावेले नेपालमा विगत २१ बर्षदेखि प्रत्यक्ष र अप्रत्यक्ष रूपमा १०,००० भन्दा बढि रोजगारी सिर्जना गरेको छ ।
भविष्यमा ह्वावेले नेपाललाई नयाँ प्रविधि जस्तै फाइभजी, क्लाउड र एआईको प्रयोगमा जोड दिँदै डिजिटल नेपाल निर्माण गर्न निरन्तरता दिई राख्नेछ ।
