आईसीटी समाचार
टेस्लाले २०२० मा पाँच लाख बढी इलेक्ट्रीक कार निर्माण गरेको छ । कम्पनीले २०२० को अन्त्य पूर्व ५ लाख ९ हजार ७३७ ओटा बिद्युतीय कार निर्माण गरेको हो ।
यो महामारी कै बिचमा गरिएकाले ठूलै उपलब्धि हो । ती मध्य धेरै मोडेल ३ र मोडेल वाई नै रहेका थिए । १०.८ प्रतिशत भने मोडेल एस र मोडेल एक्स रहेका थिए । अरु ब्रान्डहरु सँग दाजँदा टेस्लाले अझै पनि धेरै लामो यात्रा पार गर्न पर्ने नै देखिएको छ ।
२०१९ मा जीएमले ७.७ मिलियन कार र बीएमडब्लूले २.५ मिलियन कार बेचेको थियो । २०२१ मा टेस्लाको प्रस्तुती कस्तो रहन्छ भन्ने विषयमा सबैलाई उत्सुकता रहेका छ । मोडेल वाईको सङ्ख्या अब पक्कै पनि वृद्धि हुनेछ किनभने यसको निर्माण साङ्घाईमा पनि सुरु भएको छ ।
