आईसीटी समाचार
माइक्रोसफ्टले वीन्डोज टेनको टास्कबारमा नयाँ फिचर थप्ने भएको छ । कम्पनीले टास्कबारमा न्यूज र इन्ट्रेस्ट वीजेट दिन सुरु गरिसकेको छ ।
यसले गर्दा प्रयोगकर्ताहरुलाई न्यूज फीड, मौसमको सूचना, स्टकको सूचनाहरु सबै टास्कबारमा नै पाइन्छ ।
यो फिचर कुनै तेस्रो पार्टी एप वा सफ्टवेयर बिना नै चल्ने गर्दछ । केही वर्ष अगाडि पीपल वीजेट थपिएको थियो ।
कम्पनी चाँही एमएसएन न्यूज सेवामा भर परिरहेको छ । यसमा ४५०० भन्दा बढि स्रोतहरुबाट न्यूज संकलन गरेर समाचार दिइन्छ ।
वीजेटलाई कस्टोमाइज गर्न पनि मिल्छ । यो फिचर विज्ञापन मुक्त पनि हुनेछ । अहिलेका लागी सुविधा भारत, अमेरिका, क्यानेडा, अष्ट्रेलिया, लन्डनमा उपलब्ध भएको छ ।
