आईसीटी समाचार
‘आर यु फ्युचर रेडी’ स्लोगन सहित प्रेसिडेन्सीएल बिजनेस स्कूलमा आयोजित दुईदिने आइटी करियर कन्क्लेभ सम्पन्न भएको छ । प्रेसिडेन्सीएल बिजनेस स्कूल र लिभिङ विथ आइसिटीको संयुक्त आयोजनामा पुस २५ र २६ गते आयोजना भएको कार्यक्रममा विभिन्न ५ सेसनमा २५ भन्दा बढि वक्ताहरुको सहभागिता रहेको थियो ।
आइटीमा भविष्य खोज्नेहरुलाई लक्षित गरेर आयोजना गरिएको यो आइटी करियर कन्क्लेभमा वक्ताहरुले अबको भविष्य प्रविधिसँगै जोडिएको हुँदा सोहि अनूकुल सरकार र सर्वसाधारणपनि प्रविधिमैत्री वातावरणमा रुपान्तरण हुनुपर्ने कुरामा जोड दिएका थिए ।
अहिलेको इमर्जिङ प्रविधिहरुबारे छलफल गर्दै सुरु भएको कन्क्लेभ अबको १० वर्षभित्र नेपालमा आइटीको विकास कस्तो हुनसक्छ भन्ने विषयमा गएर टुङिंगएको थियो ।
कार्यक्रमको अन्तिम सेसनमा बोल्दैं पूर्वमन्त्री गणेश शाहले स्टार्टअप, इन्नोभेसन र उद्यमशिलतामा अबको भविष्य खोज्नुपर्ने बताए । यसैगरी आइटी विज्ञ मनोहर भट्टराईले सरकार पोलिसी निमार्णमा अघि रहेपनि कार्यान्वयन पक्ष फितलो हुदा यो क्षेत्रमा अपेक्षाकृत प्रगती हुन नसकेको बताए ।
उनले अझैपनि युवाका समस्याहरु नबुझ्ने र नेपाली इन्नोभेसनलाई सहजिकरण नगर्ने हो भने १० वर्षमा ठुलो परिवर्तन देख्न नसकिने बताए । यसैगरी सञ्चार तथा सूचना प्रविधि मन्त्रालयका सहसचिव अनिल कुमार दत्तले अबको १० वर्षमा इगर्भनेन्सको क्षेत्रमा वदलाव आउने बताए ।
प्रधानमन्त्रीका आइटी सल्लाहकार अश्गर अलीले विगत केहि वर्षदेखि सरकारले आइटीलाई प्राथमिकतामा काम गरिरहेको हुँदा परिवर्तन सम्भव रहेको बताए । नागरिक अधिकार एपले चाँडै मुक्तरुप लिने बताउदै उनले अब हामी डिजिटल प्रविधिले अन्य क्षेत्रलाई ड्राइभ गर्नुपर्ने कुरामा जोड दिए ।
त्यस्तै मेडसफ्टकी सीईओ प्रनिता उपाध्यायको अनुसार अबका दश वर्षमा घरबाटै काम गर्ने रणनीतिले प्रोत्साहन पाउनेछ । त्यसैगरी भौतिक पूर्वाधार र साइबर सुरक्षामा पनि एकदमै बदलाव आउने उनले बताएकी थिइन् ।
कार्यक्रममा कम्प्युटर वैज्ञानिक मुनि बहादुर शाक्यले आफ्नो अनुभवहरु बाडेका थिए । नलेज स्पेसियलिस्ट हेमपाल श्रेष्ठले सञ्चालन गरेको उक्त सेसनमा डिजिटल नेपाल र यसका एजेन्डाको विषयमा पनि छलफल भएको थियो ।
यो महत्वपुर्ण सेसनसँगै कार्यक्रममा इन्नोभेसन र टेक्नोलोजिकल उद्यमशिलता, इर्मर्जिङ टेक्नोलोजी र कनेक्टिङ ट्यालेन्ट्स टु दि वल्र्ड विषयमा पनि प्यानल डिस्कसन सञ्चालन भएको थियो । कार्यक्रममा धेरै सहभागीहरु भर्चुअल रुपमा पनि सहभागी भएका थिए र भौतिक रुपमा भने स्वास्थय मापदण्ड अपनाएर विभिन्न सरोकारवाला तथा मिडियाको मात्रै उपस्थिीति रहेको थियो ।
पहिलो सेसन ‘इमर्जिङ टेक्नोलोजी इन आइटी इन्डष्ट्री’ मा योङ इन्नोभेसनका सिइओ बिभुषण बिष्ट, क्लाउड फ्याक्ट्रीकी बरिष्ठ सफ्टचेयर इन्जिनियर माधुरी श्रेष्ठ, नेपाल खुल्ला विश्वविद्यालयका कार्यक्रम संयोजक डा. भोजराज घिमिरे र फ्यूज क्लासरुमका निर्देशक पराग श्रेष्ठ सहभागी भएका थिए ।
त्यसैगरी इ सत्यका इन्चार्ज रुचिन सिंह मोडरेटरको भूमिकामा रहेका थिए । दोश्रो सेसन ‘इन्नोभेसन एण्ड टेक्नोलोजीकल आन्टरप्रेनरसीप’ विषयमा सञ्चालन भएको थियो । यो सेसनमा खल्तीका सह संस्थापक मनिष मोदी, फुडमाण्डूका संस्थापक मनोहर अधिकारी र जीवीका प्रबन्ध निर्देशक आभुसन ज्योती कंसाकार सहभागी भएका थिए ।
त्यस्तै तेस्रो सेसनमा आइटीमा करियर सम्भावनाको बारेमा पनि प्रश्न उत्तर अर्थात क्युएनए सेसन सञ्चालन भएको थियो । यस सेसनमा मेरो लगानीका सिईओ अतितलाल श्रेष्ठ र लिफ्रग टक्नोलोजीकी स्वेच्छा बिष्ट सहभागी भएका थिए ।
त्यसैगरी कार्यक्रमको दोश्रो दिन ‘कनेक्टिङ ट्यालेन्ट्स विथ ग्लोबल अपर्चुनिटी’ विषयमा भर्चुअल सेसन सञ्चालन भएको थियो । यस सेसनमा किम्बु टेक्नोलोजीकी सीईओ कार्भिका थापा, सिम्प्लिफाई ३६० का सीईओ लक्ष्मी खतिवडा र जेनस सोलुसनका सीटीओ अञ्जनी फुँयाल, ग्रोवाईडेटाका सहसस्थापक प्रशन्न ढुंगेल लगायतको सहभागिता थियो ।
अमेरिकन बिजनेश डिग्री सञ्चालन गरिरहेको प्रेसिडेन्सियल बिजनेश स्कूलले यसैवर्षदेखि आइटी अन्तगर्त बिएस्सी आइटी र एमएस्सी आइटीका शैक्षिक कार्यक्रमहरु सञ्चालनको तयारी गरेको छ ।
कलेजले पहिलोपटक आइटी करियर कन्क्लेभ सफलतापूर्वक सम्पन्न गरेको कार्यकारी निर्देशक लक्ष्मण केसीले बताए । आगामी दिनमा आइटीको भविष्य सुमधुर रहको बताउँदै केसीले यसको लागि योग्य र दक्ष विद्यार्थी उत्पादनमा जोड दिने र आइटी उद्योगसँग सहकार्य गर्दै अघि बढ्ने बताए ।
