माइक्रोसफ्ट ३६५ का प्रयोगकर्ताले चाँँडैनै २५० जीबी सम्मको फाइल अपलोड गर्न सक्ने

माइक्रोसफ्ट ३६५ का प्रयोगकर्ताले चाँँडैनै २५० जीबी सम्मको फाइल अपलोड गर्न सक्ने भएका छन् । यो नयाँ फिचरले गर्दा प्रयोगकर्ताहरुले वानड्राइभ, सेयरपोइन्ट र टीम्समा सजिलै ठूलो फाइलहरु अपलोड गर्न सक्ने छन् । यसअघि १०० जीबी सम्मको फाइल अपलोड गर्न सकिने व्यवस्था रहेको थियो ।

यसले माइक्रोसफ्ट ३६५ को प्रयोगकर्ताहरुलाई फाइल सेयर, सींक र स्टोर गर्न अझै सहज हुनेछ । यसले प्रयोगकर्ताहरुलाई पुरै फोरके या एटके  भिडियो, कुनै बिलडिङको थ्रीडी मोडेल, ठूलो रिपोर्ट या डेटासीट अपलोड गर्ने मौका दिन्छ ।
यो फिचर भने वानड्राइभ प्रयोगकर्ताका लागी पनि हुनेछ । माइक्रोसफ्टले यो फिचर स्टोरेजलाई अप्टीमाइज गरेर तयार पारेको हो । छिटो पहुँचका लागी फाइलहरुलाई एजुरे स्टोरेजमा पनि ब्याकअप दिइएको हुन्छ । यो फिचर यो महिनाको अन्तयसम्म सबैलाई उपलब्ध हुने बताइएको छ ।