आईसीटी समाचार
सञ्चार तथा सूचना प्रविधि मन्त्री पार्वत गुरुङले सबै हिमाली जिल्लामा तत्काल इन्टरनेट सेवा विस्तार गर्न सरकारी स्वामित्व रहेको नेपाल टेलिकमलाई निर्देशन दिएका छन् ।
मंगलबार सिंहदरबारस्थित आफ्नो कार्यकक्षमा बोलाएर मन्त्री गुरुङले टेलिकमका पदाधिकारिहरुलाई यस्तो निर्देशन दिएका हुन् ।
उक्त कार्यक्रममा मन्त्री गुरूले टेलिकमका टावर लगायतका पूर्वाधारहरुलाई पूर्ण क्षमताका साथ सञ्चालन गर्न र टेलिकमका सबै सेवाहरुलाई गुणस्तरीय बनाउन पनि निर्देशन दिएका हुन् ।
सो कार्यक्रममा नेपाल टेलिकमका प्रबन्ध निर्देशक डिल्लीराम अधिकारीले नेपाल टेलिकमको सेवालाई गुणस्तरीय बनाउन लागिपर्ने प्रतिवद्धता व्यक्त गरेका थिए ।
