आईसीटी समाचार
गूगलले आफू माथि लागेको भेदभावको आरोप सेटल गर्न ३.८ मिलियन डलर तिर्ने भएको छ । यो एक ट्रिलियन डलर कम्पनीका लागी कुनै ठूलो कुरा होइन् । यो आरोप यूएस डिर्पाटमेनट अफ लेभरले लगाएको थियो ।
गूगलले महिला कर्मचारीहरुलाई कम तलब दिएर काम गराइरहेको बताइएको छ । यो कुरा कम्पनीको नियमित अनुपालन अडिट गर्दा केही वर्ष अघि थाहा भएको थियो ।
सन् २०१४ देखि २०१७ साल सम्ममा माउन्टेन भ्यू र वासिङटनको आफिसमा महिला सफ्टवेयर इन्जिनियरहरुलाई कम तलब दिएको पाइएको थियो ।
त्यस्तै गूगलको सान फ्रान्सीस्को, सनीभेल र कर्कल्याण्ड लोकेसनमा महिला तथा एसियाली सफ्टव्येर इन्जिनियर आवेदकहरुलाई अरुको तुलनामा काम एकदमै कम दरमा दिइएको थियो ।
गूगलले १.३५ मिलियन डलर सम्पूर्ण पैसा र ब्याज जोडेर ती २,५६५ जना महिला सफ्टवेयर इन्जिनियरहरुलाई पनि दिनेछ जसमा एकजनालाई करिब ५२८ डलर जति पर्नेछ । त्यस्तै १,७५७ जना महिला तथा एसियाली सफ्टवेयर इन्जिनियर आवेदकहरुलाई १.२३ मिलियन डलर तिर्नेछ ।
