आईसीटी समाचार
नेपाल टेलिकमले आज आफ्नो १७ औं वार्षिकोत्सव मनाई रहेको छ । आफ्नो १७ औं वार्षिकोत्सवको अवसरमा टेलिकमले फोरजी वायरलेस होम ब्रोडब्याण्ड सेवा शुरु गरेको छ ।
नेपाल टेलिकमले एफटीटीएच, तारवाल फोन नपुगेको र वाईफाई सेवा उपलब्ध नभएको ठाउँमा फोरजी ग्राहकहरुले यो सेवा प्रयोग गर्न सक्ने छन् ।
सीपीई (कस्टमर प्रिमिसेस इक्विपमेन्ट) प्रयोग गरी होम ब्रोडब्याड सेवाबाट इन्टरनेट प्रयोग गर्न सकिनेछ । नेपाल टेलिकमका प्रबन्ध निर्देशक डिल्लिराम अधिकारीका अनुसार यो सेवा देशभर नै उपलब्ध हुनेछ ।
फोरजी वायलरलेस होम ब्रोडब्याण्ड सेवाका लागि प्रति महिना ९ सय रुपैयाँमा ६० जीबी, १५०० रुपैयाँमा १२० जीबी डेटा पाइने छ । त्यस्तै वार्षिक ९ हजार ६०० रुपैयाँमा ७२० जीबी र १६ हजार रुपैयाँमा १४४० जीबी डेटा प्रयोग गर्न सकिने छ ।
