स्न्यापच्याटको स्पटलाईट फिचर सार्वजनिक भएको दुई महिनामा १०० मिलियन प्रयोगकर्ता

स्न्यापच्याटको स्पटलाईट फिचर सार्वजनिक भएको दुई महिनामा १०० मिलियन प्रयोगकर्ता पुगेका छन् । कम्पनीले यो कुरा आफ्नो चौथो क्वाटर आयको रिपोर्टमा जनाएको थियो ।

टिकटक जस्तै सुविधा भएको स्पटलाईटले विभिन्न प्रयोगकर्ताहरुको भिडियो पनि फिचर गरिदिने गर्दछ । स्न्यापच्याटको अनुसार प्रयोगकर्ताहरुले एक दिनमा  १ लाख ७५ हजार भिडियो बनाउने गर्दछन् । त्यस्तै एपले हरेक दिन राम्रो भिडियो बनाउनेहरलाई एक मिलियन डलर दिइरहेको छ ।

स्न्यापच्याटले भिडियो बनाउनेहरुलाई कहिले सम्म पैसा दिन्छ भन्ने कुराको निश्चय छैन् । तर पैसा दिएको कारणले यसले अझै धेरै प्रयोगकर्ताहरुलाई स्पटलाईटको प्लेटफर्ममा आर्कषित गरेको छ ।

न्यूयोर्क टाइम्सको अनुसार भर्खरै नाबलिक बच्चाहरले पनि यो पलेटफर्मको मद्दतले लाखौँ डलर कमाइसकेका छन् ।

टिकटकले पनि हालैमा २०० मिलियन डलरको कोष खडा गरेको छ जसबाट क्रियटरले पैसा पाउन सक्छन् । स्न्यापच्याटको एपमा पनि १५ मिलियन नयाँ प्रयोगकर्ताहरु थपिएका छन् ।