टेस्लाले खरिद गर्याे १.५ बिलियन डलर बिटकोइन, बिटकोइन प्रयोग गरेरै गाडी खरिद गर्न सकिने

टेस्लाले १.५ बिलियन अमेरिकी डलर बिटकोइन खरिद गरेको छ । चाँडैनै कम्पनीले ग्राहकको भुक्तानी पनि बिटकोइन मार्फत नै लिने बताएको छ ।

कम्पनीले डिजिटल युगको फाइदाहरुमा एक बिटकोइन पनि पर्ने भएकाले यस्तो गरेको हो ।

टेस्लाका मालिक इलन मस्कले पहिले देखि नै क्रिप्टोकरेन्सीलाई एकदमै मनपराउने गर्दछन् जसले गर्दा पनि कम्पनीले बिटकोइन किन्ने निर्णय गरेको अनुमान लगाउन सकिन्छ ।

टेस्ला पहिलो ठूलो कार निर्माता कम्पनी हो जसले कार विक्रिमा बिटकोइनको प्रयोग गर्न दिने भएको छ । तर कम्पनीले कुनकुन प्रोडक्टमा बिटकोइन प्रयोग गर्न दिन्छ भन्ने बारे खुलाएको छैन् ।

टेस्लाले बिटकोइन खरिद गरेसँगै बिटकोइनको मूल्य ४४ हजार डलर पुगेको छ ।  टेस्लाले किनेको १.५ बिलियन बिटकोइन भनेको रकममा १९.४ बिलियन डलर क्यास हो ।

तर बिटकोइनको मूल्य घटेमा रकममा घाटापनि लाग्न सक्छ । कार निर्माता कम्पनीले बिटकोइनको भविष्य सुनौलो रहने आश गरेको देख्न सकिन्छ ।