वानप्लसका पूर्व सह संस्थापकको ‘नथीङ’ ब्राण्डले चाँडैनै वायरलेस ईयरफोन सार्वजनिक गर्ने

वानप्लसका पूर्व सह संस्थापक कार्ल पेईको नयाँँ स्र्टाटअप ‘नथीङ’ ले चाँडैनै वायरलेस ईयरफोन निकाल्ने भएको छ । यो सन् २०२१ को पछि तिर आउने छ ।

नथीङलाई गूगल भेन्चरले १५ मिलियन डलरको लगानी गरिरहेको छ । पेइले वायरलेस ईयरफोन जस्तो सजिलो प्रोडकटबाट सुरु गरेर जटिल तर्फ जाने लक्ष्य राखेका छन् । कम्पनीले अडियो प्रोडक्ट मात्रै नबनाएर अरु सामाग्रीहरु पनि बनाउने सोचेको छ ।

नथीङको वायरलेस ईयरफोनले वानप्लस बडससँग प्रतिस्पर्धा गर्ने देखिएको छ । नथीङले कार्ल पेईको निर्देशनमा भविष्यमा एकदमै राम्रो गर्छ भन्ने गूगल भेन्चरले आशा गरेको छ । नथीङमा एप्पलका पूर्व एक्जीस्क्युटिभ टोनी फाडेल, युटयुबर कासेई नेइस्टाट, रेडइटका सीईओ स्टीभ हफम्यान र टवीचका कोफाउण्डर केभिन लिन रहेका छन् ।