आईसीटी समाचार
एप्पलको आउँदो आइफोन ‘अल्वेज अन डिस्पले’ का साथमा आउन सक्ने भएको छ ।
वीइनबाचको अनुसार सन् २०२१ मा आउने आइफोनमा १२० हर्जको एलटीपीओ डिस्प्ले हुनेछ जसलाई हेर्दा लक स्क्रीनजस्तै देखिन्छ र यसले इन्पुट बिनानै केही विस्तृत जानकारी दिन सक्नेछ ।
यो फिचर केही एन्ड्रोइमा पनि रहेको छ । यसमा सधैँभरी बत्ती बल्छ र यसले ब्याट्रीको चार्ज र घडी देखाउँछ ।
त्यस्तै बार र आइकनको सङ्केतले पनि नोटिफिकेसन आएको जानकारी दिनेछ ।
यसमा केही सुधार गरेर ल्याइएको अल्ट्रा वाइड क्यामेरा पनि रहेको छ जसले कम लाईटमा पनि राम्रो फोटो खिच्न सक्छ ।
त्यस्तै यसमा ग्यालेक्सी एस २१ को जस्तै पोट्रेट भिडियो मोड पनि रहनेछ । यो वर्ष डिजाइनमा भने खासै परिवर्तन नल्याइने नै वीइनबाचले जानकारी दिएको छ ।
यसमा म्यागसेफ भन्ने चुम्बक पनि हुनेछ जसले गर्दा प्रयोगकर्ताले आइफोन निकालिरहेको समयमा वालेट झर्दैन् ।
पहिलेका केही रिपोर्ट अनुसार आइफोनमा फेस आइडीका लागी पनि सानो आकारको नच हुनेछ ।
वीइनबाचको रिपोर्ट जतिनै सहि भएता पनि एप्पलले निर्माणको समयमा फोनमा केही फेरबदल गर्न सक्छ ।
कम्पनीले आइफोन १२ मा छिटो ब्याट्री सकिने डरले १२० हर्जको एलटीपीओ डिस्प्ले प्रयोग गरेको थिएन् ।
