आईसीटी समाचार
ह्वावेका प्रमुख कार्यकारी अधिकृत (सीईओ) रेन जेङ्गफेईले आइफोन १२ सिरीजलाई विश्वकै सबैभन्दा राम्रो फाइभजी स्मार्टफोन भएको बताएका छन् ।
प्रतिद्वन्दी कम्पनीले अर्काे कम्पनीको प्रशंसा गर्नु अप्ठयारो नै देखिन्छ तर रेन जेङ्गफेईले सो गर्न कुनै अप्ठयारो मान्दैनन् । उनले ह्वावेको फाइभ जी उपकरणको जानकारी दिँदा आइफोन १२ को प्रशंसा गरेका थिए ।
उनले आइफोनले एकदमै राम्रो प्रगति गरेको र यसले १.८२ गिगाबाइट पर सेकेण्डको डाउनलोड स्पीड हासिल गर्न सकेको कुरा पनि जानकारी दिएका थिए । यो एकदमै उत्कृष्ट रहेको पनि उनको भनाइ थियो । ह्वावे विश्वकै सबैभन्दा ठूलो नेटवर्क उपकरण विक्रेता हो ।
बर्लिन, मुनिच, मड्रिड, जुरिच, जेनेभा, एम्सटरड्याम, भीइन्ना, बार्सिलोना, सोअल,बैंकक, हङकङ, रियाद जस्ता थुप्रै शहरहरुमा ह्वावेकै मद्दतले फाइभ जी नेटवर्क सेटअप गरिएको थियो ।
यसैमा जोड्दै जेङ्गफेईले एप्पलको यूरोपेली बजारमा रहेको प्रभावले ह्वावेलाई पनि मद्दत पु¥याइरहेको जनाए । यूरोपमा आइफोन १२ को मद्दतले प्रयोगकर्ताहरुले फाइभ जी प्रविधिको पूर्ण रुपमा प्रयोग गर्न सकेको जानकारी दिए ।
विगतमा पनि जेङ्गफेईले एप्पलको सदैव प्रशंसा गरेका छन् र एप्पल आफ्नो गुरु सरह रहेको पनि बताएका छन् ।
